Yerli şou-biznesdə baş verənlər

Xalq artisti Nazpəri Dostəliyeva bu yay istirahətini Maldiv adasında və Sinqapurda keçirib. Axşam.az-ın məlumatına görə, müğənni ailəsi ilə birlikdə getdiyi səfərdə maraqlı fotolar...

    Xalq artisti Nazpəri Dostəliyeva bu yay istirahətini Maldiv adasında və Sinqapurda keçirib. Axşam.az-ın məlumatına görə, müğənni ailəsi ilə birlikdə getdiyi səfərdə maraqlı fotolar çəkdirib. Ürəyincə bir gəzinti reallaşdırdığını deyən Nazpəri Dostəliyeva söhbətində yeni mövsümə bol enerji topladığını bildirib: “Bu yay oğlanlarım, gəlinlərim və bircə nəvəm Tamerlanla Maldivdə, Sinqapurda və Malaziyada dincəldim. Oradan da Almaniyaya getdim. Bütün yorğunluğumu atdım. İstirahətdən qayıdandan sonra isə yaradıcılığımla bağlı maraqlı yeniliklər edəcəyəm”.

   Repçi Hüseyn Dərya  yeni klipinin çəkilişləri üçün hərbçi forması geyinib. Ekran işi Dəryanın “Can vətən” mahnısına çəkiləcək. Müğənni klipin rejissorluğunu özünün edəcəyini bildirib. Mahnıya xalq artisti Ramiz Quliyev və əməkdar artist Cabir Abdullayev öz töhfəsini verib. 

    Uzun müddətdir ki, Röya ilə işbirliyi quracağını deyən əməkdar artist Abbas Bağırov bu vədinə əməl edib.Röya sözləri Abbasa və Nurullah Çaçana, musiqisi də  Bağırova aid olan “Dastanlar yazalım” adlı mahnını ifa edib. Bəstənin aranjimançısı Samir Şirinovdur. Qeyd edək ki, bu mahnını müğənni Ramal İsrafilov da oxuyub.

    İfaçı Miri Yusif yeni manhısını tezliklə sevənlərinə təqdim edəcək. Bəstə “Yarım dünya” adlanır. Adıçəkiliən mahnının sözlərindən bəlli olur ki, sənətçi növbəti ifasını da sevgiyə həsr edib. Qeyd edək ki, Miri Yusif “Yarım dünya” mahnısının sözlərinin bir hissəsini sosial şəbəkədə paylaşıb.

 

Yarama duz səpmə, yarım dünya.

Həyatımdan həzz ala bilmirəm.

Canımda damla-damla ağla...

Sərvər Mehdiyev

 

Muz-Tv.az