"Eurovision 2012" birinci yarımfinalı keçiriləcək

Bu gün gecə saat 00:00-da "Bakı Kristal Zalı"nda "Eurovision 2012" mahnı müsabiqəsinin birinci yarımfinalı keçiriləcək.  

Bu gün gecə saat 00:00-da "Bakı Kristal Zalı"nda "Eurovision 2012" mahnı müsabiqəsinin birinci yarımfinalı keçiriləcək. Yarımfinaldan əvvəl mətbuat üçün açıq məşq keçirilib,daha sonra isə əsas məşq olub. Bu məşqdə hər bir təmsilçi öz səhnə geyimində çıxış edib.Əsas məşq şousunda aparıcılar Leyla, Nərgiz və Eldar Avropanı Azərbaycan, ingilis və fransız dillərində salamlayıblar.Daha sonra birinci yarımfinalda iştirak edən 18 ölkə çıxış ardıcıllığına uyğun olaraq səhnəyə çıxıb. Macarıstanın "Compact Disco" qrupu "Sound Of Our Hearts" mahnısını maraqlı tərzdə təqdim edib və mahnı media mənsubları tərəfindən alqışla qarşılanıb. Avstriya təmsilçisi "Trackshittaz" qrupu "Woki Mit Deim Popo" mahnısının şousu üç rəqqas qızın ifasında tamaşaçıların diqqətini cəlb edib. Qrupun hər iki üzvü səhnə rəqsləri ilə marağa səbəb olub və alqışlarla qarşılanıb.Moldova təmsilçisi Pasha Parfeny "Lăutar" mahnısını ifa edərkən ifaçını maraqlı geyimlərdə beş rəqqasə müşaiət edib.Bu müddət ərzində ən maraqlı anlarla yaddaşlara həkk olunan "Jedward" qrupu "Waterline" mahnısının şousu zamanı "Bakı Kristal Zalı"nda suyun altında çıxış ediblər. Bakı səhnəsində fantan yaradan əkiz qardaşlar, həm səhnə geyimləri, həm də rəqsləri ilə tamaşaçılara Eurovision həyəcanı yaşauıblar..Həmçinin Azərbaycanın ev sahibliyi etdiyi Eurovision Mahnı Müsabiqəsinin əsas elementlərindən olan postkardların da ilkin nümayişi keçirilib. Birinci yarımfinalın media nümayəndələri üçün təşkil edilən əsas məşqində bu sıradan 14 videoçarx göstərilib. Nümayiş etdirilən postkardlarda Azərbaycan mədəniyyəti, incəsənəti, Qarabağ atları, qədim adət-ənənələriimiz, Aşıq sənəti, milli bayramlar, rəqslərimizdən və s. bəhs olunur. Həmçinin bu postkardlarda Azərbaycanın müxtəlif bölgələri təqdim edilir.
Qeyd edək ki, mayın 22-də keçiriləcək ilk yarımfinalda iştirak edən 18 ölkədən 10-u finala vəsiqə qazanacaq.
 

Çinarə Nurməmmədova
Ramal Gülməmmədov

Muz-Tv.az