“Cazibəli rənglər”ə dəstək verildi

Müasir İncəsənət Mərkəzində daha bir xeyriyyə tədbiri reallaşıb. “12 May Group” və “Xəyal Production”un təşkilatçılığı ilə “Dəstək ver” silsiləsindən “Cazibəli rənglər” layihəsi  baş...

    Müasir İncəsənət Mərkəzində daha bir xeyriyyə tədbiri reallaşıb. “12 May Group” və “Xəyal Production”un təşkilatçılığı ilə “Dəstək ver” silsiləsindən “Cazibəli rənglər” layihəsi  baş tutub. Layihə çərçivəsində 7 saylı Saray internat evinin sakini 21 yaşlı Nəzakət Muradovanın muncuqdan və müxtəlif dekorativ əşyalardan hazırladığı əl işləri Həmçinin 282 saylı məktəbin 6-cı sinif şagirdi fiziki qüsurlu Samirə Hüseynovanın da yağlı boya ilə çəkilmiş rəsm əsərlərinin sərgisi keçirilib.

    Millət vəkili Qənirə Paşayeva, əməkdar artistlər Aybəniz Haşımova, Azərin və digərlərinin də qatıldığı sərgi ilk olaraq Qənirə xanımın çıxışı ilə başlayıb.Daha sonra söz alan qonaqlar da çıxış edərək səbəbkarları tərifləyib təbrik ediblər.

    Qənirə Paşayeva bir neçə rəsm əsəri və dekor işləmələr alaraq həm özünə həm də sərgidə iştirak edən qonaqlara hədiyyə edib. Sonda “Muzlife”-a müsahibə verən millət vəkili Qənirə Paşayeva və əməkdar artist Aybəniz Haşımova, təşkilatçı Pərviz Əzimzadə gecənin önəmindən danışıblar. Qeyd edək ki, “Cazibəli rənglər” sərgisi sentyabrın 13-dən 20-dək Müasir İncəsənət Mərkəzində nümayiş olunacaq.

 

Səma Ələsgərova

Ramal Gülməmmədov

 

Muz-Tv.az