Aygün Kazımova Sinan Akçılı Bakıya gətirəcək
Hazırda İstanbulda səfərdə olan xalq artisti Aygün Kazımova sentyabrın 15-də Bakıya dönəcək. Bu dəfə o, tək deyil, məşhur türk müğənnisi və onun duet ortağı Sinan Akçılla...
Hazırda İstanbulda səfərdə olan xalq artisti Aygün Kazımova sentyabrın 15-də Bakıya dönəcək. Bu dəfə o, tək deyil, məşhur türk müğənnisi və onun duet ortağı Sinan Akçılla birgə gələcək. Hər iki məşhur Bakıda bir neçə verilişdə iştirak edəcək. Səbəb isə onların yeni bir duet ifa etməsidir. Xalq artistinin İstanbula səfəri də elə bununla əlaqədardır. Qeyd edək ki, sentyabrın 16-da Aygün Kazımova və Sinan Akçıl yeni layihələri ilə bir neçə telekanalda qonaq olacaqlar. Xalq artisti həmin gün sevənlərini sürpriz gözlədiyini söyləyib.
Meyxanaçı Namiq Qaraçuxurlu ilə təşkilatçı Nahid Emiloğlunun küsülü olduğu ortaya çıxıb. Bu haqda sənətçi özü açıqlama verib.O, Nahidlə aralarında problem olduğunu bildirib: “Nahid Emiloğlu ilə münasibətim yoxdur, problemlərimiz var. Ona görə də onun payız konsertləri siyahısında mən olmadım. Nahid bir dəfə mənim üçün Heydər Əliyev Sarayında konsert təşkil etmişdi. Ondan sonra aramızda anlaşılmazlıq oldu. Ona işlərində uğurlar arzulayıram”. Xəbəri danan Nahid Namiqlə küsülü olmadığını deyib: “Namiqin konsertini bir dəfə etmişəm. Yəqin sizinlə zarafat edib. Münasibətlərimiz çox yaxşıdır”.
Müğənni Emil Bədəlov həmkarları ilə bağlı qalmaqallı açıqlamalar verib. Ailəsini sənətə qurban verən həmkarlarından söz açan müğənni bunları deyib: “Heç vaxt ailəmi sənətə qurban vermərəm. Onlar mənim hər şeyimdir, necə ola bilər ki, həyat yoldaşını, övladını oxumağa qurban verəsən? Lazım gəlsə ailəmə görə sənəti ataram. Bəziləri çıxıb deyir ki, sənətimi ailəyə qurban verirəm. Bunu ən böyük sənətkar belə desə, onu pisləyərəm. Bu əsl biabırçılıqdır. Onların heç bu aləmdə də hörməti yoxdur”. E.Bədəlov solo konsert verməkdən də danışıb. O qazandığı pulu konsertə xərcləməyə qıymır: “Özümü konsert verməyə hazır hiss edirəm. Bu gün konserti olan sənətçilər 15 ildir bu sahədədirlər. Mən isə 5 ildir solo ifaya başlamışam. Təkəm, ailəmə baxıram. Qazandığım pulu aparıb konsertə xərcləməkdənsə, evimə verirəm də... Niyə 80-100 mini aparıb ora töküm ki? Əgər Nahid Emiloğlundan təklif gəlsəydi qəbul edərdim”.
Şou-biznes nümayəndələrindən bir neçəsi Azərbaycanın Sankt-Peterburqdakı disaporu tərəfindən təşkil edilən konsertdə iştirak etmək məqsədilə səfər ediblər. Onların arasında Elnur Məmmədov, Fərid Məmmədov, Çingiz Mustafayev, İntiqam və Ehtiram qardaşları da olub. Şəhəri gəzməyə çıxan Fərid Məmmədov Ermitaj muzeyinin qarşısında etdiyi hərəkətlərlə ətrafdakıları təəccübləndirməyi bacarıb. Sankt-Peterburq küçələrində salto şousu göstərən müğənni hər kəs tərəfindən alqışlanıb.
Fuad Məmmədov
Muz-Tv.az