55 yaşlı Madonna ailə həyatı qurmağa hazırlaşır

“Atletiko Madrid” klubunun futbolçusu Arda Turan və aktrisa Sinem Kobal toy gününü təyin ediblər.  Məşhur cütlük dekabrın 21-də nikah masasına oturacaq. 

    “Atletiko Madrid” klubunun futbolçusu Arda Turan və aktrisa Sinem Kobal toy gününü təyin ediblər.  Məşhur cütlük dekabrın 21-də nikah masasına oturacaq. Hazırda İspaniyada olan Arda və Sinem toyun Çırağan Sarayında baş tutacağını deyib. Gənc aktrisanın Madridə getməmişdən öncə gəlinlik sifariş etdiyi bildirilib.  Cütlük nikah şahidlərinin baş nazir Rəcəp Tayyip Ərdoğan və Fatih Tərimin olmasını istəyir.

    Amerikanın məşhur “In Touch” jurnalı bu yaxınlarda 55 yaşını qeyd edən ulduz Madonnanın 25 yaşlı sevgilisi Brahim Zaibatla evlənməyə hazırlaşdığını bildirib. Şayiələrin yayılmasına səbəb sənətçinin mərasimlərdən birində Brahimi nişanlısı kimi təqdim etməsi olub. Madonna uşaqlarının və digər qonaqların qarşısında bu addımı atmaqdan çəkinməyib. Xatırladaq ki, Madonna ilə Brahimin sevgi macərası artıq üç ildir ki, davam edir. 25 yaşlı gənc hətta ulduzu ailəsi ilə də tanış edib.

    Sentyabrın sonunda Bakıya gələcək türkiyəli müğənni Özcan Dəniz özünə yeni sevgili tapıb. 41 yaşlı sənətçinin 20 yaşlı aktrisa və model Busə Narçıya aşiq olduğu ortaya çıxıb. Dostlarının vasitəsilə tanış olan Busə və Özcan 5 aydır birlikdədirlər. Dəniz “Barbi” dediyi sevgilisini ailəsi ilə də tanış edib. Busənin Özcanla çəkdirdiyi və sosial şəbəkədə paylaşdığı şəkil münasibətlərinin ciddi olduğunu sübut edib.

    Pink “The Truth About Love” albomunun çıxış sinqlı kimi “Walk Of Shame” mahnısını seçib. Sözügedən trek musiqi toplusuna daxil edilən 5-ci əsərdir. Ulduzun eyni albomda yer alan “Just Give Me a Reason” mahnısı 2013-cü il üçün Amerikada ən çox satılan ikinci trekdir.

 

Sahilə Aslanova

 

Muz-Tv.az