Keti Perri Rihannanı qısqandığını etiraf etdi

Ebru Gündeşin ailəsini hədələyiblər.  Müğənninin həyat yoldaşı azərbaycanlı iş adamı Rza Zərrab polisə müraciət edərək həyat yoldaşının hədələndiyini bildirib...

    Ebru Gündeşin ailəsini hədələyiblər.  Müğənninin həyat yoldaşı azərbaycanlı iş adamı Rza Zərrab polisə müraciət edərək həyat yoldaşının hədələndiyini bildirib:  “Oturub yemək yeyirdik, zəng edərək Ebrunu söyməyə və hədələməyə başladılar. Yerimizi soruşdular, gəlib bizi güllələyib basdıracaqlarını bildirdilər. Ailəmin və iş yerimin qorunmasını tələb edirəm”. Araşdırma nəticəsində məlum olub ki, müğənniyə zəng edən Əhməd  adlı şəxs Qaziantepdə əsgərdir. "Bu nömrəni əsgər yoldaşım verib dedi ki, internetdə Ebru Gündeş adlı qıza aiddir. Mən onu adi qadın bilirdim. Ebruya zəng edib hədələməmişəm”,- deyə əsgər polisə  ifadə verib. Prokurorluq Əhmədin müğənnini hədələdiyi və söydüyü üçün 4 il həbs olunmasını tələb edib.

    Dünyaşöhrətli müğənni Beyons dostları ilə birgə istirahət mərkəzlərinin birinə yollanıb.  Karuselə minib uşaqlar kimi əylənən ulduz başına toplaşan fanatları ilə də şəkillər çəkdirib.

    Müğənni Davud Güloğlu və əməkdaşlıq etdiyi saytın idarəçisi məhkəməlik olublar.  Hadisə sentyabrın 6-da reallaşıb. İddiaya görə, saytın idarəçiliyini öhdəsinə götürən şirkət Güloğlunu faiziylə birlikdə 16 min lirə borcunu ödəmədiyinə görə məhkəməyə verib.  Hüquqi müddət ərzində  ödəmə yerinə yetirilmədiyinə görə, hakim Güloğlunun evini müsadirə etmə qərarı verib.

    Amerikalı məşhur müğənni Keti Perri yaxın rəfiqəsi Rihannanı qısqandığını etiraf edib.  “Elle” dərgisinə müsahibə verən ifaçı Rihannanın necə bu qədər gənc, gözəl və enerjili qaldığını anlamadığını deyib: “Hamı onun sağlam həyat tərzi sürmədiyini bilir. Üstəlik heç yatmır. Çünki səhər saat 4-ə kimi İnstaqrama şəkillər qoyur. Amma çox gənc və gözəldir. Əgər sirrini öyrənə bilsəm, hamıyla paylaşacağam. Onu qısqanıram”.

 

Sahilə Aslanova

 

Muz-Tv.az