İlhamə Quliyeva ilə Nazpəri Dostəliyeva arasındakı dava qızışdı

Xalq artisti İlhamə Quliyeva ilə Nazpəri Dostəliyeva arasında savaş davam edir. Bu dəfə məhkəməyə Nazpəri xanım üz tutub. 

    Xalq artisti İlhamə Quliyeva ilə Nazpəri Dostəliyeva arasında savaş davam edir. Bu dəfə məhkəməyə Nazpəri xanım üz tutub. Yasamal Rayon Məhkəməsinə şikayət edən sənətçi həmkarı İlhamə Quliyevadan nə az, nə çox yüz min manat təzminat tələb edir. Artıq  Nazpəri xanımın vəkili Yunis Vəliyev də xəbəri təsdiqləyib. O deyib ki, İlhamə Quliyevanın canlı yayımda işlətdiyi ifadələrə görə şərəf və ləyaqətin müdafiəsi ilə əlaqədar Yasamal Rayon Məhkəməsinə şikayət veriblər.

     Əməkdar artist Aybəniz Haşımova sentyabrın 22-si Rəşid Behbudov adına Dövlət Mahnı Teatrında konsert proqramı ilə çıxış edəcək.  “Dostluq körpüsü” layihəsi çərçivəsində gerçəkləşəcək tədbirdə sənətkarla səhnəni əcnəbi müğənnilər də bölüşəcəklər. Həmçinin gecədə əməkdar artist Səlim Abbasov, gənc müğənnilər Aynişan Quliyeva, Əsgər İsmayılov, Vüqar Ağayev və “Bülbüllər” qrupunun da çıxışları gözlənilir. Xeyriyyə məqsədi daşıyan konsert kimsəsiz və fiziki cəhətdən qüsurlu olan uşaqlar üçün nəzərdə tutulub.

    Əməkdar artist Elza Seyidcahan sentyabın 19-da Şıxovda “Uğura doğru” adlı konsert proqramı ilə çıxış edəcək. Müğənni gecə ərzində yeni mahnılarını təqdim edəcək. Sənətçi sözügedən gecəyə sənət dostlarını da çağırmağı unutmayıb. Qeyd edək ki, ifaçı konsertinə gələcək qonaqlara xallı parçadan olan geyimlərə üstünlük vermələrini məsləhət görüb. 

    Tanınmış müğənni Nadir Qafarzadədən yeni xəbər var. İfaçı sentyabrın 13-də Yaşıl Teatrda verdiyi solo konsertində eksklüziv ifa etdiyi “Nasıl geçti habersiz” adlı qədim Türk mahnısını yeni aranjimanda yazdıraraq, repertuarına daxil edib. Kompozisiyaya yeni nəfəs qatan ifaçı əsəri artıq bu gündən Youtube kanalında dinləyicilərin ixtiyarına verib.

 

 

Sahilə Aslanova

 

Muz-Tv.az