Monika Belluççi və Vensan Kassel cütlüyü yenidən birlikdə

Mustafa  və Emina Sandal cütlüyü gərgin iş qrafikinə görə bir-birindən ayrı yaşayır. 

   Mustafa  və Emina Sandal cütlüyü gərgin iş qrafikinə görə bir-birindən ayrı yaşayır. Serbiyanın populyar sənətçilərindən biri olan Emina istedad yarışması “X Factor”-da münsif heyətidir. Müğənni bu səbəblə Serbiyaya gedəndə uşaqlara Mustafa Sandal baxır. Amma bu hal türkiyəli müğənnini heç də narahat etmir. Mustafa həyat yoldaşına kömək etdiyinə görə xoşbəxt olduğunu da bildirib.

   Rusiyalı müğənni Slava 12 ildir ki, işadamı Anatoli Danilitski ilə sevgilidir. İfaçı evli kişini sevdiyini və onun sayəsində karyerasında yüksəldiyini heç vaxt gizlətməyib. Bir müddətdən sonra boşanan Anatoli  Slava ilə evlənməyə tələsmirdi. Amma cütlüyün yaxınlarının verdiyi məlumata görə, Slava nəhayət çoxdandır gözlədiyi evlilik təklifini alıb.  Xatırladaq ki, müğənni 2012-ci ildə özündən 28 yaş böyük olan sevgilisinə Antonina adlı bir qız övladı bəxş edib.

   Avqust ayında boşandıqlarını elan edərək hər kəsi şok edən Monika Belluççi və Vensan Kassel cütlüyü hələ də görüşməkdə davam edir. Belə ki, keçən həftə məşhur ulduzlar Parisin bahalı restoranlarından birində şam yeməyi yeyərkən görülüb.  Qızlarını da özüylə götürən cütlük gecəboyu nədənsə yalnız italyanca danışmağa diqqət edib.  Ulduzlar bu görüşməni övladları üçün təşkil etdiklərini bildiriblər.

   Rusiyalı gənc müğənni Aleksey Vorobyov nəhayət həmkarı Viktoriya Daynekoya olan sevgisini hər kəs qarşısında etiraf etmək qərarına gəlib. Bu günlərdə ifaçı sosial şəbəkələrdən birindəki hesabında sevgilisi haqqında yazıb: “Gün-gündən onu nə qədər çox sevdiyimi daha yaxşı anlayıram. Yalnız onunla heç vaxt darıxmıram və ona görə yuxudan yarımçıq oyananda əsəbləşmirəm. Onunla  vaxtım heç vaxt hədər getmir. Çox sağ ol ki, ürəyimdəki boşluğu doldurursan və həyatıma məna qatırsan. Səni sevirəm”.

 

Sahilə Aslanova

 

Muz-Tv.az