Bakıda keçirilən xeyriyyə konsertində əcnəbi müğənnilər iştirak etdi

Sentyabrın 22-də Rəşid Behbudov adına Azərbaycan Dövlət Mahnı Teatrında kimsəsiz və fiziki cəhətdən qüsurlu olan uşaqlar üçün nəzərdə tutulan ““Dostluq körpüsü” adlı...

   Sentyabrın 22-də Rəşid Behbudov adına Azərbaycan Dövlət Mahnı Teatrında kimsəsiz və fiziki cəhətdən qüsurlu olan uşaqlar üçün nəzərdə tutulan ““Dostluq körpüsü” adlı xeyriyyə konserti reallaşıb. Əməkdar artisti Aybəniz Haşımovanın təşəbbüsü ilə baş tutan tədbirdə bir çox məşhur sənətçimizlərə yanaşı, əcnəbi qonaqlar da iştirak edib. Elə konsertdən əvvəl “Muz Life”-a müsahibə verən Aybəniz xanım həyəcanlı olduğunu gizlətməyərək gələn hər kəsə təşəkkür edib.

   Daha sonra konsertdə iştirak edəcək sənətçilərimiz də öz ürək sözlərini bölüşərək belə bir gecədə iştirak etdiklərinə görə qürur duyduqlarını bildiriblər. Xeyriyyə konsertinə xüsusi olaraq dəvət edilən əcnəbi qonaqlarımız da öz növbələrində Aybəniz xanıma təşəkkür edərək ürək sözlərini bölüşüblər. Kubalı Emiliya Morales isə bizim üçün milli mahnılarını ifa edib. O, hətta hər kəsə Azərbaycan dilində təşəkkür etməyi də unutmayıb.

    Konsertdə ilk olaraq söz alan millət vəkili Qənirə Paşayeva hər kəsi salamlayaraq gecənin önəmindən danışıb. Daha sonra söz musiqiyə verildi. Sənətçilər bir-birinin ardınca səhnəyə buyuraraq hər kəsə unudulmaz gecə yaşadıblar.

    Qeyd edək ki, konsert millət vəkili Qənirə Paşayevanın rəhbərlik etdiyi “Avrasiya Beynəlxalq Araşdırmalar İnstitutu” İctimai Birliyi, “12 May” şirkəti və “simsar.az” xəbər saytının dəstəyi ilə keçirilib.

 

Sahilə Aslanova

Ramal Gülməmmədov

 

Muz-Tv.az