65-ci “Emmi” mükafatlardırma mərasimi sona çatdı

65-ci “Emmi” mükafatlandırma mərasimi sentyabrın 22-də Los Ancelesdə reallaşıb. “Breaking bad” “Ən yaxşı dram serialı”, “Modern family” serialı isə “Ən yaxşı komediya serialı”

    65-ci “Emmi” mükafatlandırma mərasimi sentyabrın 22-də Los Ancelesdə reallaşıb. “Breaking bad” “Ən yaxşı dram serialı”, “Modern family” serialı isə “Ən yaxşı komediya serialı” nominasiyalarında mükafata layiq görülüblər. “The Newsroom” serialındakı xəbər aparıcısı roluna görə məşhur ulduz  Cef Deniels “Ən yaxşı kişi aktyor” kateqoriyasında mükafatlandırılıb. Aktyor Nil Patrik Harrisin aparıcılıq etdiyi gecədə “Vepp” serialındakı mükəmməl ifası ilə Culiya Luis Dreyfus “Komediya janrında ən yaxşı qadın aktrisası” adına layiq görülüb. Mərasimdə hər ikisi iyun ayında vəfat edən “Glee”-nin ulduzu Kori Montiz ilə “Sopranos” serialının bar rol ifaçısı Ceyms Qandolfini də yad edilib.

   “Harri Potter” silsilə filmləri ilə populyarlaşan Daniel Redklifin əfsanəvi “Queen” qrupunun solisti Freddi Merkurini canlandıracağı iddia edilir. Məşhur aktyor təklifi qəbul edərsə həyatının ən vacib rolunu ifa etmiş olacaq. Qeyd edək ki, sözügedən film üçün əvvəlcə Saşa Baron Kohen seçilsə də daha sonra ulduz bu təklifdən imtina edib. Qrup üzvləri tərəfindən dəstəklənən ekran əsərinin süjet xətti 1985-ci ildə reallaşan “Live Aid” konserti və Merkurinin çıxışlarına əsaslanacaq.

    Makedoniyada bir oteldə səhnə alan Ziynət Sali türkcə və yunanca mahnıları ilə hər kəsi coşdurub. Saçlarını qısa kəsdirən Salinin geyim tərzində də dəyişikliklər etdiyi diqqətdən yayınmayıb.

    Amerikalı aktrisa Sandra Ballok 2 il əvvəl onu dəfələrlə aldadan həyat yoldaşı Cessi Ceymsdən boşanmışdı. Xəyanət haqqında ilk dəfə danışan 49 yaşlı ulduz səmimi etiraflar edib. Boşandıqdan sonra bir oğlan uşağı övladlığa götürən Sandra: “Yerlərdə sürünürdüm.  Qəlbim qırılmışdı. Amma hər şeyi zamanın öhdəsinə buraxdım və qalib gəldim. Nə yaxşı ki, oğlum var. İndi yalnız onunla məşğul oluram” – deyə keçirdiyi çətin anları heyranları ilə bölüşüb.

 

Sahilə Aslanova

 

Muz-Tv.az