Türkiyəli məşhur şoumen azərbaycanlı müğənnidən danışdı
Türkiyəli şoumen Mehmetəli Ərbil İnstagram səhifəsində azərbaycanlı müğənni Aysel Əlizadə ilə iki fotosunu paylaşıb.
Türkiyəli şoumen Mehmetəli Ərbil İnstagram səhifəsində azərbaycanlı müğənni Aysel Əlizadə ilə iki fotosunu paylaşıb. Şoumen şəklə “Azərbaycanın ən gözəl səsi Aysel” sözlərini yazıb. İfaçının Türkiyə səfərinin məqsədi barədə məlumat verən mətbuat katibi: “Aysel Türkiyədən yeni qayıdıb. Klip çəkdirmək məqsədi ilə səfərdə olan sənətçi orada məşhur şoumen Mehmetəli Ərbillə də görüşüb. Aysel Türkiyədə bir neçə tanınmışla dost münasibətindədir. Bunlardan biri də Erbildir. Onların yeni bir layihədə birləşəcəkləri istisna edilmir”- deyə əlavə edib.
Azərbaycanlı müğənni Nadir Qafarzadə görünüşündən danışıb. O, yayda istirahət edən zaman yediyi yeməklərdən kökəldiyini deyib.Nadir hazırda arıqlamağa cəhd etdiyini söyləyib.O: “Bu il İstanbulda, Antalyada istirahət etdim. Orada olduğum müddət ərzində çox yeyirdim. Ona görə də xeyli kökəldim. Hazırda isə çalışıram ki, həmin kilolardan azad olum və əvvəlki çəkimə qayıdım. Çünki kök olmaq insanın səhhətində ciddi problem yaradır”-deyə əlavə edib.
Türkiyənin “Sənətçilər” adlı məşhur “Facebook” səhifəsində keçirilən müsabiqədə xalq artisti Aygün Kazımovanın da adı yer alıb. Səhifənin sevimli müğənnisi olan Aygün Kazımova orada Azərbaycanın Türkiyədə ən çox tanınmış siması kimi qeyd edilib. “Ən cazibədar sənətçi” adlanan müsabiqədə Hadisə, Demet Akalın, Castin Biber, Selena Qomez kimi məşhurların da adları yer alıb. Qeyd edək ki, bundan əvvəl səhifədə “Hansı məşhuru üz qabığında görmək istərdiniz?”sorğusu keçirilmiş və Aygün Kazımova birinci olmuşdu.
Bakıda istifadəyə veriləcək Azərbaycan - Türk Futbol Məktəbinin açılış mərasiminə Türkiyədən gələn idman və sənət adamları qatılacaq.Onlar futbol məşqçiləri Yılmaz Vural, Güvənc Kurtar, güləşçilər Ahmat Taşçı və Kadir Birlik, sənət adamlar Mustafa Ceceli, Tarık Menguç, Bengü Erden, Ahmet Selcuk İlkandır.Qeyd edək ki, futbol məktəbi paytaxtın Nərimanov rayonunda fəaliyyət göstərəcək.
Səma Ələsgərova
Muz-Tv.az