Dima Bilan yeni sevgilisi ilə

Amerikada televiziya dünyasının ən prestijli mükafatı olan “Emmi”lər öz sahiblərinə təqdim edilib. Gecədən əliboş dönsə də bütün diqqətləri üzərinə çəkən isə 41 yaşlı Sofia...

    Amerikada televiziya dünyasının ən prestijli mükafatı olan “Emmi”lər öz sahiblərinə təqdim edilib. Gecədən əliboş dönsə də bütün diqqətləri üzərinə çəkən isə 41 yaşlı Sofia Verqara olub. “Modern family” serialı ilə karyerasının ən parlaq dövrünü yaşayan Verqara dar qırmızı tül geyimi ilə hər kəsi heyran edib. Ulduzun libası gecənin ən cazibədar geyimi elan edilib. Verqara bu təriflər qarşısında çox duyğulanaraq göz yaşlarını saxlaya bilməyib. Xatırladaq ki, Vergara keçən il də eyni mərasimdə paltarının arxa tikişləri söküldüyünə görə çətin anlar yaşayıb.

   “Avroviziya - 2013” mahnı müsabiqəsinin qalibi, 20 yaşlı danimarkalı müğənni Emili de Forest “Hunter & Prey” mahnısına çəkilən yeni klipini təqdim edib. Sözləri və musiqisi müğənninin özünə məxsus olan trek Emilinin sayca ikinci sinqlıdır. Ulduz hər iki mahnısını bu ilin may ayında işıq üzü görən “Only Teardrops” albomuna daxil edib.

   Ətrafında daim gözəl qızlar olan rusiyalı müğənni Dima Bilan yenə söz-söhbətə səbəb olub. Belə ki, ulduz bu dəfə “Miss Kainat” titulunun sahibi Oliviya Kulpo ilə birgə görülüb. Bilanın qız fanatları dərhal cütlüyün bir-birinə biganə olmadığını iddia edib. Dima şayiələrə heç bir cavab verməsə də, bəzi mənbələr gənc xanımın müğənninin kliplərindən birində rol almaq üçün gəldiyini bildirib.

   Populyar müğənni Beyons qızı Blu Ayvi ilə birlikdə Puerto Rikoda şəxsi təyyarəsindən enərkən görülüb. Ulduzun asfalt üzərində ayaqyalın gəzdiyi diqqətdən yayınmayıb. Beyonsun balaca körpəsi də gözəl geyimi ilə ətrafdakıları heyran edib. Onun əynində payız rənglərində don və eyni tonlarda sandallar olub.

   Mahsun Kırmızıgül yeni serialı üçün aylardır axtardığı baş rol ifaçısını nəhayət ki, tapıb. Onun “Firuzə” adlı yeni ekran işində Ceren Hindistan rol alacaq. Uzun müddətdir bir çox aktrisa ilə danışıqlar aparaq Kırmızıgül bu obraz üçün əvvəlcə Ceyda Atəşi düşünüb. Amma daha sonra Ceyda serialın müsbət, Cerenin isə mənfi obrazlarını canlandıracağına qərar verilib. Qeyd edək ki, serial iki kişinin arasında qalan qadının hekayəsindən bəhs edir.

 

Sahilə Aslanova

 

Muz-Tv.az