Nadir Qafarzadə millət vəkilinin mahnısını ifa edəcək
Nadir Qafarzadə bəstəkar Sevinc Tofiqqızı millət vəkili Qənirə Paşayevanın sözlərinə bəstələdiyi mahnını ifa edib. Bu barədə məlumat verən Sevinc xanım...
Nadir Qafarzadə bəstəkar Sevinc Tofiqqızı millət vəkili Qənirə Paşayevanın sözlərinə bəstələdiyi mahnını ifa edib. Bu barədə məlumat verən Sevinc xanım: “ “Sənin olum” adlanan əsərimi Nadir Qafarzadə çox gözəl ifa edib. Qənirə xanımın şeirlərini oxuyanda dedim bunlardan birinə mütləq musiqi bəstələməliyəm. Bu, Qənirə xanımla mənim son işim deyil. Inanıram ki, Qənirə xanımın şeirlərin oxuyan hər bir bəstəkar ilhama gəlib, onun deyərli sözlərinə musiqilər bəstələyəcək” -deyərək məsələni şərh edib.
Babasını itirdiyinə görə yaradıcılıq işlərində fasilə verən müğənni Ayan Babakişiyeva yeni layihələrinə start verib. Sənətçi repertuarına bəstəkar Elçin İmanovun mahnılarını daxil edəcək. Bu, musiqiçilərin 4 illik fasilədən sonra növbəti əməkdaşlığı hesab olunur: “Xanım İsmayılqızı, Aygün Bəylər, Kamal, Faiq Sücəddinov kimi dəyərli insanların mahnılarını səsləndirdim. Repertuarda bir qədər dəyişiklik zərurəti yarandı. Elçin İmanov sənətimin təməlini qoyan bir insandır. İfa üslübümda onun dəsti-xətti hər zaman özünü göstərib. Bəstəkarla işbirliyimizin davamı mütləq olmalı idi. Hazırda iki mahnı üzərində işləyirik. Bunlardan birinə mütləq klip çəkdirəcəyəm”.
Müğənni Günay İbrahimli aparıcılıq təklifi alıb. Sənətçi özünü başqa sahədə sınamaqdan qorxduğunu deyib: “Bu yaxınlarda kanalların birindən aparıcılıq təklifi aldım. Amma başqa peşədə özümü sınamaq istəmirəm. Aparıcı olsam, gərək digərləri ilə rəqabətə girəm, münaqişədə olam. Mən isə hər kəslə mehriban münasibətdəyəm”. Eyni zamanda seriallardan da dəvətlər aldığını deyən Günay bir neçə dəfə filmdə də rol alıb. Amma müğənni bunun sənətinə mane olduğunu və bütün gününü çəkiliş meydançasında keçirmək məcburiyyətində qaldığını bildirib. “Mən müğənniyəm və bu sahədə peşəkar olmağa çalışıram. Bir əldə beş qarpız tutanları isə həmişə qınayıram. İnsan bir sənət dalınca qaçmalıdır”.
Rejissor Nail Naiboğlunun yaradıcılığının 8 illiyi tamam olur. Bu münasibətlə rejissor böyük konsert proqramı təşkil edəcək. Bu haqda danışan Nail həmin gecədə türkiyəli sənətçi Orhan Ölməzin də iştirak edəcəyini söyləyib: “Dekabrın 1-də dostum Pərviz Oqtayoğlu ilə birlikdə yaradıcılığımızın 8 yaşı tamam olur. Həmin gün super konsert proqramı ilə qardaş ölkənin tanınmış sənətçisi Orhan Ölməz yaradıcılıq ildönümümüzü təbrik edəcək. Biletlər oktyabrın 10-dan satışa çıxarılacaq”.
Sahilə Aslanova
Muz-Tv.az