Hollivudun ən sevilən qadını seçildi

“Yatcaz kalkcaz” mahnısı ilə yay mövsümünün ən çox dinlənilən məşhurlarından biri olan Gülşen verdiyi konsertlə də uzun müddət gündəmdə qalmağı düşünür.

    “Yatcaz kalkcaz” mahnısı ilə yay mövsümünün ən çox dinlənilən məşhurlarından biri olan Gülşen verdiyi konsertlə də uzun müddət gündəmdə qalmağı düşünür. Konsertdən əvvəl media nümayəndələrinin suallarını cavablayan müğənni səhnədə daim eyni paltarda olması ilə bağlı iddialara cavab verib. “Türkiyə turnesinə çıxanda müəyyən bir mövzuya uyğun geyimlər hazırlatdım. Qastrol səfəri olduğuna görə eyni libasda qalmalı oldum” –deyə Gülşən bildirib. Qeyd edək ki, konsert üçün Amsterdamdan xüsusi olaraq gələn Zənnə Rəşid Aleksandr ifaçının mahnılarını gözəl rəqs şousu ilə müşayiət edib.

     Aktyor nişanlısı Laym Hemsvorsdan ayrılan amerikalı müğənni Mayli Sayrus prodüseri Mayk Uillə birlikdədir. Bu iddialara səbəb 20 yaşlı sənətçinin Las Veqasda reallaşan musiqi festivalında verdiyi konsertdən sonra Maykı bərk qucaqlaması və onu öpüşlərə qərq etməsi olub.

     Aparıcı Ellen DeCeneres Hollivudun ən sevilən qadını seçilib. “iHeartradio”nun keçirdiyi sorğuya görə, məşhur tok-şou aparıcı Cennifer Lourens və Emma Stoun kimi gözəlləri geridə qoyaraq bu titula layiq görülüb. Siyahıda 4-cü və 5-ci yerləri isə sırayla Cennifer Hadson və Natali Portman bölüşüblər.

     “Victoria's Secret” mələkləri Alessandra Ambrosio və Kendis Sveynpol gərgin iş rejimindən sonra özlərinə tətil veriblər. İki gözəl Fransanın cənubundakı San Tropes adalarında istirahət edir. Ambrosio və Kendis əyləncəli şəkillərini “İnstagram”-da paylaşmağı da unutmayıblar.

     Demet Akalının “Nasip deyilmiş” mahnısına çəkdirdiyi klipinin treyleri yayımlanıb. Rejissoru Tamer Aydoğdu olan ekran işində Akalınla birlikdə həyat yoldaşı Okan Kurt və aparıcı Özlem Yıldız da rol alıb. Xatırladaq ki, sözügedən mahnını daha əvvəl Özcan Dəniz də ifa edib.

 

Sahilə Aslanova

 

Muz-Tv.az