Emin Ağalarov yayılan şayiələri təkzib etdi

Məşhur ifaçı və bəstəkar Emin Ağalarovun qızıl “Lamborghini” alması ilə bağlı yayılan xəbəri təkzib edib. 

    Məşhur ifaçı və bəstəkar Emin Ağalarovun qızıl “Lamborghini” alması ilə bağlı yayılan xəbəri təkzib edib.  Sənətçinin mətbuat xidmətindən “İnstagram”dakı @eminagalarov səhifəsinin ifaçıya məxsus olmadığı bildirilib. “Emin Ağalarovun qızıl “Lamborghini” alması haqda xəbər yalandır. KİV-də və sosial şəbəkələrdə onun fəaliyyəti ilə bağlı mötəbər olmayan və yalan xəbərlərin yer almaması üçün xahiş edirik ki, rəsmi mənbələrə, xüsusilə,  onun musiqi həyatına həsr olunmuş rəsmi saytına, həmçinin iş həyatına həsr olunmuş rəsmi saytına istinad edəsiniz”, - deyə mətbuat xidmətinin məlumatında qeyd edilib. Emin Ağalarov özü də məlum hadisə ilə bağlı “İnstagram”dakı “@eminofficial” səhifəsində fikrini bildirib: “Xahiş edirəm, bunu bilin ki, ”@eminagalarov” mənim hesabım deyil. Yalandan məlumat yayıblar ki, belə dəhşətli rəngi olan çox gözəl maşını mən almışam. Bu, doğru deyil!”

     Aktyor Coşqun Rəhimov  “İnstagram” səhifəsində saqqalına diş çöpü taxdığı şəklini paylaşıb və “Kirpi Coşqunello” şərhini yazıb. Foto şəbəkə izləyiciləri tərəfindən maraqla qarşılanıb.  Gülüş ustası sosial şəbəkə izləyicisinin “Hacı, bu nə idi?” sualına  “Bəzi "şeylərdən" siğorta, yəni gözdən, nəzərdən”, - deyə cavab verib.

     Bu günlərdə rəqqasə Oksana Rəsulova Facebook-dakı şəxsi səhifəsində belə bir status paylaşıb: “İstəyirsən çox uzaqlarda ol, sevmə məni, soyu məndən, yetər ki, nəfəs alasan, yaşayasan, sevinəsən, güləsən, seviləsən... Amma heç vaxt sevməyəsən! Məndən başqa heç kimi... ”  Statusundan belə hiss olunur, rəqqasə bu sözləri keçmiş həyat yoldaşı repçi Elşad Xoseyə həsr edib. Oksanayla bağlı suallara “Mən bu kitabı bağlamışam” cavabını verən Elşaddan fərqli olaraq, rəqqasə, deyəsən, hələ də keçmiş günlərini unuda bilmir.

     Əkiz bacılardan ibarət “S-Twins” qrupu Türkiyədə yarışmaya qatılıb. Sevinc və Sevil bacıları təşkilatçı Acun İlıcalının apardığı "O səs Türkiyə" proqramında iştirak ediblər. Bu barədə qrupun prodüseri Nigar Murad məlumat verib. O, bildirib ki, bacılar  Əmrahın “Götür beni gitdiyin yerə” mahnısını ifa edərək, juri heyətinin və tamaşaçıların rəğbətini qazanıblar. Belə ki, Ebru Gündeş, Murat Boz və Hadisə onların ifasını və səhnə mədəniyyətini bəyəniblər. Bacılar isə yarışmada Ebru Gündeşin komandasında yarışmağı seçiblər.

 

Sahilə Aslanova

 

Muz-Tv.az