Daha bir Hollivud ulduzu həyat yoldaşından ayrıldı

Hollivud ulduzu Riçard Gir və həyat yoldaşı Keri Louell 11 illik ailə həyatından sonra boşanıblar. 

   Hollivud ulduzu Riçard Gir və həyat yoldaşı Keri Louell 11 illik ailə həyatından sonra boşanıblar. Qərb mətbuatında yer alan məlumata görə, Gir uzun müddət Keri ilə cəmiyyət arasına birlikdə çıxmırdı. Cütlük hətta Nyu Yorkdakı villalarını da 65 milyon dollara satışa çıxarıblar. Xatırladaq ki, cütlük 2002-ci ildə nikah masasına əyləşib.

   Atletiko Madridlə müqaviləsini 2017-ci ilədək uzadan Arda Turanın başı Sinəm Koballa evlilik hazırlıqlarına qarışıb. Futbolçu hətta artıq 5 milyon lirəyə yeni malikanə də alıb. Arda məşhur memarla danışaraq evi Sinəmin istədiyi şəkildə dizayn etməyə də razılaşıb. Cütlük İstanbul ziyarətləri zamanı bir ev də almağı düşünür.

   Beyons reklam siması olduğu bikini firması üçün yenidən kamera qarşısına keçib.  Bu dəfə həm sarı, həm də qara saçlarla şəkillər çəkdirən ulduza hər iki rəng gözəl yaraşıb. Doğumdan sonrakı kilolarından qurtulan Beyons fiziki görünüşü ilə də hər kəs tərəfindən bəyənilib.

   Aktrisa Bərgüzar Korel oğlu Əli və anası Hülya Darcanla birlikdə bir alış-veriş mərkəzində görülüb. Məkanlardan birindən yemək yeyən gözəl xanım daha sonra ailəsi ilə birlikdə uşaqlar üçün təşkil edilən festivala qatılıb. Oğlu Əlini oyuncaq dinozavrlar üzərinə mindirən Korelin çox xoşbəxt olduğu diqqətdən yayınmayıb.

 

Sahilə Aslanova

 

Muz-Tv.az