Şou-biznesdə daha bir toy
Xalq artisti Aygün Kazımova türkiyəli müğənni Sinan Akçılla dostluğundan söz açıb.Müğənni axşam.az-a açıqlamasında Sinanın özəl həyatında yalnız onun yer aldığını etiraf edib..
Xalq artisti Aygün Kazımova türkiyəli müğənni Sinan Akçılla dostluğundan söz açıb. Müğənni axşam.az-a açıqlamasında Sinanın özəl həyatında yalnız onun yer aldığını etiraf edib: “Sinanın bir özəl həyatı var, o da mənəm. İndi onunla eyni şirkətdə çalışırıq. İstəyirəm bu prodakşında tamam fərqli Aygün olsun. Sizə başqa işlər təqdim edəcəyəm. Sinanla solo konsertimiz də maraqlı olacaq. Gecənin təşkilatçısı Nahid Emiloğludur. Bir şeyi də etiraf edim ki, Sinan mənə Bakı haqqında mahnı yazacaq”
Əməkdar artist Teymur Əmrah müğənni Zamiqin ünvanına təriflər yağdırıb. T.Əmrah açıqlamasında sənətçinin "Yaşıl Teatr"da baş tutan konsertindəki cəsarətinə heyran olduğunu deyib: “Açıq havada canlı oxumaq asan iş deyil. 2 min insanın qarşısında bu cür bir məsuliyyəti üzərinə götürdüyü üçün Zamiqin cəsarətinə heyranam. Özü də onu səhnədə əməkdar artistEldar Məmmədovun rəhbərlik etdiyi böyük orkestr müşayət edirdi. Bu çox çətin bir iş idi. Sözün açığı mən heç vaxt belə məsuliyyəti üzərimə götürməzdim, Zamiq kimi etməzdim".
Müğənni Röya Ayxanın qardaşı İsmayıl Nəcəfov növbəti mahnısını lentə aldırıb. Yaradıcılıq işlərindən danışan İsmayıl bildirib ki, Murad Dalklıçın “Kader” mahnısını ifa edib: “Muradın repertuarına müraciət etməyim əbəs yerə deyil. Çünki onun oxuduğu mahnılar tərzimə uyğundur. Mahnıdan xoşum gəldi, ifa etdim. Məncə pis alınmayıb. Qulaq asmağa dəyər”. İ. Nəcəfov daha sonra əlavə edib ki, bir neçə bəstəkar onun üçün mahnı yazıb: “İnşallah, bu yaxınlarda mənimçün yazılmış mahnılar oxuyacam. Lakin işləri tam yekunlaşdırmamışam. Hazır olandan sonra onları da dinləyicilərin ixtiyarına verəcəm”.
Xalq artisti Aygün Kazımovanın qızı İlqarə "İbrahimova" soyadından imtina edib. Bu haqda A.Kazımova açıqlamasında deyib. O, qızının hər zaman onun soyadını daşımaq istədiyini bildirib.“İlqarə həmişə deyirdi ki, mən də Kazımova olmaq istəyirəm. Mən də razılaşdım. İndi o, İlqarə Kazımovadır və hər zaman da belə qalacaq” deyən xalq artisti qızının müğənnilik sənəti ilə bundan sonra ciddi məşğul olacağını söyləyib: “Uşaq vaxtlarında ona dəstək oldum, səhnəyə çıxardım. İndi isə böyüyüb, sənəti ilə özü məşğul olmaq istəyir. Murad Arifdən yeni mahnı alıb. Sinan Akçıl da onun üçün bir bəstə hazırlayır. Qızımın ilk solo konsertini Nahid Emiloğlu təşkil edəcək. Mən də hər zaman onun yanında olacacağam”.
Bu gün Yalçın Rzazadənin oğlu Mətin Aysel adlı xanımla taleyini birləşdirir. Mətinin 23, gələcək həyat yoldaşının isə 20 yaşı var. Onu da öyrəndik ki, toyda bəy Azərbaycanın məşhur müğənnisi ilə "Dünyanı gəzdim" mahnısını duet oxuyacaq. Toy Bakıdakı şadlıq saraylarından birində olacaq.
Fuad Oqtayoğlu
Muz-Tv.az