“Mahmud və Məryəm” in çoxdan gözlənilən qalası reallaşdı

İki qardaş ölkənin məhsulu olan “Mahmud və Məryəm” in qala gecəsi nəhayət ki,  reallaşıb.  İlk olaraq xarici filmlərin premyeralarından adət etdiyimiz kimi məşhurlar qırmızı...

   İki qardaş ölkənin məhsulu olan “Mahmud və Məryəm” in qala gecəsi nəhayət ki,  reallaşıb.  İlk olaraq xarici filmlərin premyeralarından adət etdiyimiz kimi məşhurlar qırmızı xalıdan keçərək məkana daxil olublar.Türkiyənin məşhur ulduzlarının da qatıldığı gecədə ilk olaraq xalq artisti Fəxrəddin Manafov film haqqında təəssüratlarını bizimlə bölüşüb.

    Filmin baş rol ifaçısı Aras Bulut İnemli də bu ortaq işdən qurur duyduğunu dilə gətirib. Filmdən əvvəl salona daxil olan yaradıcı və aktyor heyəti səhnəyə çıxaraq öz ürək sözlərini gələn qonaqlarla bölüşüblər. Daha sonra gül çələngləri ilə qarşılanan qonaqlar səhnədən enərək salondakı yerlərini aldılar və nəhayət film başlayıb.

    Diqqətlə izlənilən film sona çatdıqdan sonra aktyorlar ekran əsərinin onlarda doğurduğu təəssüratlardan və oynadıqları xarakterin özəlliklərindən danışıblar. Xatırladaq ki, xalq yazıçısı Elçin Əfəndiyevin eyniadlı əsəri əsasında ekranlaşdırılan “Mahmud və Məryəm” filmi romantik, dram janrında lentə alınıb. Çəkilişlərinə Şəki şəhərində start verilən ekran əsərində Mahmudla Məryəmin sevgisindən bəhs edir. Mahmud Gəncəli Ziyad xanın oğlu, Məryəm isə Keşişin qızıdır.

 

Səma Ələsgərova                       

Sevda Məmmədova

Ramal Gülməmmədov

 

Muz- Tv.az