"10 il" İnstagram müsabiqəsinin qalibləri mükafatlandırıldı

Sentyabrın 27-də Aztagram və “İRƏLİ” İctimai Birliyinin birgə əməkdaşlığı ilə “10 il” kampaniyası çərçivəsində eyniadlı İnstagram sərgisi keçirilib.

    Sentyabrın 27-də Aztagram və “İRƏLİ” İctimai Birliyinin birgə əməkdaşlığı ilə “10 il” kampaniyası çərçivəsində eyniadlı İnstagram sərgisi keçirilib. Eyni zamanda “10 il” jurnalının da təqdim edildiyi mərasimdə altı mindən çox foto nümayiş olunub. Onlardan 400 ən yaxşı şəkil seçilərək sözügedən dərgidə yayımlanıb.İlk olaraq suallarımız cavablandıran “İRƏLİ” İctimai Birliyinin sədri Rauf Mərdiyev tədbir haqqında məlumat verib.

    İştirakçıların həddindən çox olduğunu deyən Rauf bəy xüsusi parti təşkil edərək qalibləri özünəməxsus şəkildə təbrik etdiklərini bildirib.Sərgidə QHT nümayəndələrindən əlavə, tanınan simalarından da yer aldığı diqqətimizdən qaçmayıb. Elə müğənni Sevda Yahyayeva aktiv İnstagram istifadəçisi kimi gecə ilə bağlı ürək sözlərini bizimlə bölüşüb.

    Tədbirdə gənc müğənni Tomris “Səs ver” kampaniyası üçün xüsusilə bəstələnən eyniadlı himni iştirakçılarla birgə səsləndirib. Gecənin sonunda  doyunca əylənən iştirakçılar rəqsləri ilə partiyə daha da rəng qatıblar.

     Xatırladaq ki, İnstagram son vaxtlar Azərbaycanda xüsusilə gənclər arasında populyarlıq qazanan sosial şəbəkədir. Ölkəmizdə son iki ildə daha geniş yayılan şəbəkənin milyonlarla istifadəçisi var.

 

Sahilə Aslanova

Bəxtiyar Nəsirov

 

Muz-Tv.az