Daha bir mahnımız oğurlandı

Müğənni Röya Ayxan uzun müddətdir ki, üzərində işlədiyi “Gəmiçilər” klipini təqdim edib. 

    Daha bir Azərbaycan mahnısı əcnəbilər tərəfindən icazəsiz oxunub. Aygün Kazımovanın ifa etdiyi “Səndən nigaranam” adlı bəstəni ərəb müğənnisi Şəhrizadə səsləndirib. Nəzərinizə çatdıraq ki, sözləri Baba Vəziroğluna, musiqisi isə Kamala aid olan bəstəni Özbəkistanın xalq artisti Nəsibə Abdullayeva da ifa edib.

   İstirahətdən yenicə qayıdan müğənni Leyla Ramazanlı yeni işlərini sevənlərinə təqdim etməyə hazırlaşır. Belə ki, ifaçı musiqisi İsmail Əsədov, sözləri Arzu Əsədova məxsus olan “Unut” adlı mahnısının klip çəkilişlərini artıq yekunlaşdırıb. Bu barədə Leyla özü danışıb: “Ümid edirəm ki, klipim uğurlu alınacaq. Bundan əlavə onu da deyim ki, musiqisi bəstəkar Pərviz Mahmudova məxsus olan yeni ifama uyğun fotosessiya da etdirəcəm. Bundan əlavə mahnıya ekran həyatı da verməyi düşünürəm”.

   Gənc ifaçı Pərviz Abdullayev yeni mahnısını təqdim edib. Bəstə “Səni sevirəm” adlanır. Mahnının sözləri Fuad Vəlizadəyə, musiqisi Qoşqar Mirzəyevə, aranjimanı isə Samir Şirinova məxsusdur. Sənətçini gitarada İsmayıl Yaqubov müşayiət edib.

    Müğənni Röya Ayxan uzun müddətdir ki, üzərində işlədiyi “Gəmiçilər” klipini təqdim edib. 

 

Sərvər Mehdiyev

 

Muz-Tv.az