Səbinə Babayevadan iki yeni klip gəlir

“Avroviziya – 2012” mahnı müsabiqəsində ölkəmizi təmsil edən müğənni Səbinə Babayeva daha bir konsert proqramı ilə heyranlarını sevindirib. 

    “Avroviziya – 2012” mahnı müsabiqəsində ölkəmizi təmsil edən müğənni Səbinə Babayeva daha bir konsert proqramı ilə heyranlarını sevindirib. Konsertə bir saat gecikən Səbinə xanım dərhal səhnəyə çıxaraq hər kəsi salamladıqdan sonra sözü musiqiyə verib. Digər dünya məşhurlarının ən hit mahnılarını yeni aranjimanda səsləndirən müğənni qonaqlara gözəl gecə yaşadıb.

    Sənətçi artıq dillər əzbəri olan və “Avroviziya” mahnı müsabiqəsində ölkəmizə dördüncülük gətirən “When the music dies” əsərini də yeni tərzdə ifa etməyi unutmayıb. Konsert arası qısa fasilədə müxbirlərin suallarını cavablandıran Səbinə xanım repertuarında niyə məhz rimeyklərə yer verdiyini açıqlayıb.

    Söhbət əsnasında Səbinə xanım bizə bir sirr də açıb. Sən demə, gənc ifaçı bir zamanlar hər kəsin sevimlisi olan “Karvan” qrupunun ifa etdiyi “Ey Azərbaycanım” mahnısını yenidən oxuyub. O, bununla da kifayətlənməyərək əsərə klip də çəkdirir. Bundan başqa, ifaçı iştirakçılarını “Facebook” dostları arasından seçdiyi “Gecə” klipinin gecikmə səbəblərindən də danışıb.

    Konsertin ikinci hissəsində səhnəyə təşrif buyuran Səbinə Babayeva bu dəfə isə xalq mahnıları ifa edərək tamaşaçıları daha da coşdurub. Oktyabr ayında yenidən ölkəni tərk etməyi düşünən Səbinə xanım bunun səbəbini açıqlamaqdan çəkinib.

 

Sahilə Aslanova

Bəxtiyar Nəsirov

 

Muz-Tv.az