“Şahzadə Bəyazid” naməlum xanımla görüntüləndi

“Möhtəşəm yüz il” serialına “Şahzadə Bəyazıd” rolu ilə daxil olan Aras Bulud İynemli naməlum bir xanımla gəzərkən görülüb. Gənc aktyor qatıldığı bir partidə şəkillərinin...

     “Möhtəşəm yüz il” serialına “Şahzadə Bəyazıd” rolu ilə daxil olan Aras Bulud İynemli naməlum bir xanımla gəzərkən görülüb. Gənc aktyor qatıldığı bir partidə şəkillərinin çəkildiyini görüb çox həyəcanlanıb. Papağı ilə üzünü gizləyən İynemli: “Serialın “Sarı Səlim”i Engin Öztürkü aparmağa gəlmişəm. Artıq heç nə yazmayın” –deyib.

      Robbi Uilyams 7 il sonra çıxdığı ilk turnesi çərçivəsində Tallində unudulmaz konsert verib. Tədbirdən hazırlanan xüsusi video artıq kinoteatrlara təqdim edilib. Uilyams oktyabrın 3-dək nümayiş olunacaq filmindən əvvəl verdiyi müsahibəsində: “Kiçik qızım Teddi, həyat yoldaşım və hətta 2 itimiz də turne ərzində yanımda idi. Qızım çox ağlamır, mahnılarımla da rəqs edir” –deyib.

      Şon Pennin qızı Dilan Penn ilə birlikdə olan Robert Pattinsonun gənc xanımı çox sevdiyi deyilir. Kristen Stüartın onu rejissor Rupert Sanderslə aldatmasının ardında çətin günlər keçirən aktyorun artıq yeni sevgilisi var. Təqribən 2 aydır birlikdə olduqları iddia edilən cütlüyün çox xoşbəxt olduğu, amma münasibətlərini kameralardan uzaq yaşamaq istədikləri bildirilir. Pattinsona yaxın bir mənbə iddiaları doğrulayaraq məşhur ulduzun Dilanı dəli kimi sevdiyini söyləyib.

      Real Madridin ulduzu Kristiano Ronaldonun sevgilisi olaraq tanınan super model İrina Şeyk jurnallardan birinə verdiyi müsahibəsində Ural dağlarının ətəyində bir kənddə doğulduğunu bildirib. Gözəl xanım bunu əsas götürərək dünyanın ən məşhur modellərindən biri kimi fəaliyyət göstərməyin onun üçün bir yuxu olduğunu söyləyib. Şeyk uşaq vaxtı işləmək məcburiyyətində qaldığını və ilk dikdaban ayaqqabısını 14 yaşında öz pulu ilə aldığını etiraf edib.

 

Sahilə Aslanova

 

Muz-Tv.az