Yerli şou-biznesdə baş verənlər

Müğənni Günay İbrahimli “Yaşıl Teatr”da verdiyi konsertin yaradıcılığı ilə yanaşı, qazancına da təsir etdiyini söyləyib: “Düzdür, konsertdən heç bir xeyir götürmədim. 

    Müğənni Günay İbrahimli “Yaşıl Teatr”da verdiyi konsertin yaradıcılığı ilə yanaşı, qazancına da təsir etdiyini söyləyib: “Düzdür, konsertdən heç bir xeyir götürmədim. Amma ondan sonrakı qonorarımda, qazancımda artım oldu.  Toy qiymətini artırdım. Bu, normaldır. Onu deyim ki, konsertdən gəlir olmaması məni narahat etmir. Müğənni albom da çıxarmalıdır, konsert də verməlidir. Bunlar piar üçün önəmlidir”. Günay konsertdən sonra xasiyyətini də dəyişdiyini dilə gətirib: “Mənim pis xasiyyətim var idi. Hamıya tez inanırdım. Bu konsertdən sonra insanları tanıdım. Hamıya inanmaqdan əl çəkdim”.

   Müğənni Elnarə 33 yaşını qeyd edir. O, 1980-ci ildə Bakıda anadan olub. 2000-cı ildə Vaqif Gərayzadənin triosuna dəvət alıb. Qrupda çalışdığı vaxtlar Zülfiyyə Xanbabayevanın, Aygün Kazımovanın və bir çox ulduzların bek vokalisti olub. Qrupdan ayrıldıqdan sonra "Şərq Ulduzları" uşaq teatrında çalışıb. Sonradan "Elnarə və onun dostları" qrupunu yaradıb . 2003-cü ildə "SS Production" şırkəti ilə 5 il müddətinə müqavilə bağlayıb və solo karyerasına başlayıb. İlk mahnısı "Sənsizəm" olub. Həmin il "Qəm otağı" adlı ilk klipi işıq üzü görüb. Bir çox markaların Azərbaycandakı siması olub. Bundan əlavə Özbəkistanda "Nəzakət", Azərbaycanda istehsal olunan "Məşədi İbad-97" filmlərində baş rolda çəkilib. 2006-cı ildə ailə həyatı qurub. 3 övladı var. 

   Müğənni Elçin Cəfərov “Həvəs” adlı mahnısına çəkdirdiyi klipi təqdim edib. Sözləri Elvin Əliyevə, musiqisi isə Tərlan Məmmədhüseynova məxsus olan mahnıya rejissor Rza Əsgərov ekran həyatı verib. Dəniz kənarında lentə alınan klipdə sevgidən bəhs edilir. Rolları isə aktyorlar canlandırıb. Ekran əsərində hündür qara at da yer alıb. Bu barədə açıqlama verən Elçin Cəfərov: “Çox böyük at idi. O qədər vahiməli idi ki, yanında dayananda belə birtəhər olurdum. Yəqin ki, minsəydim, ürəyim gedərdi”, – deyə bildirib. 

   Müğənni Niyam Salami “Günahkar” adlı yeni mahnısını dinləyicilərin ixtiyarına verib.  Axşam.az-ın məlumatına görə, sözləri Xeyranisəyə aid olan bəstənin musiqisini Hacı Nazim yazıb. Niyamın həmin mahnısını təqdim edirik. 

 

Fuad Məmmədov

 

Muz-Tv.az