Keti Perri intihar etmək istədiyini açıqladı
Məşhur müğənni Keti Perri aktyor Rassel Brenddən boşanmasının ardından intihar haqqında fikirləşdiyini söyləyib.
Məşhur müğənni Keti Perri aktyor Rassel Brenddən boşanmasının ardından intihar haqqında fikirləşdiyini söyləyib. 2011-ci ildə 1 il davam edən evliliyinə son qoyan ulduz jurnallardan birinə verdiyi müsahibəsində ayrılıqdan sonra çətin günlər keçirdiyini bildirib. “Özümdən “Yaşamağa davam etməliyəm?” deyə soruşdum” –sözləri ilə Perri keçirdiyi hissləri bölüşüb. Hazırda Con Mayer ilə sevgili olan Keti Perri xoşbəxt olduğunu deyib.
Bir sabun markasının siması olan Beren Saat reklam çəkilişlərində müxtəlif görüntülər əldə etmək üçün 5 dəfə makiyaj dəyişdirib. Kameraarxası görüntüləri ortaya çıxan video çarxın yuxu səhnəsi məşhur restoranlardan birində reallaşdırılıb. Kampaniyanın fotolarını Nihat Odabaşı çəkib. Saat: “İnandığım və işləyərkən rahat olduğum yeganə fotoqraf odur” –deyə Nihatı tərifləyib.
“Youtube” gələn ay tarixində ilk dəfə təşkil edəcəyi bir tədbirə imza atacaq. Nyu Yorkda oktyabrın 3-də reallaşacaq Youtube Video Musiqi Mükafatlarının ilkində həvəskar sənətçilər səhnəyə çıxaraq müxtəlif nominasiyalarda mükafatlarla təltif olunacaqlar. Aktyor Ceyson Şvartsmanın aparıcılığını edəcəyi və Ledi Qaqa, Eminem kimi sənətçilərin qatılacağı gecə “Youtube” və “Google”-dan canlı yayımlanacaq. Mərkəzi Nyu York olan tədbir Seul, Moskva, London və Rio de Janeiro kimi şəhərlərə canlı bağlantılarla qoşularaq dünyəvi xarakter daşıyacaq.
“SEREBRO” qrupunun solistlərindən Anastasiya Karpova kollektivi tərk etməyə hazırlaşır. Bu barədə gənc xanım Sankt-Peterburqdakı konserti zamanı məlumat verib. Onun sözlərinə görə, Nastya solo karyera haqqında prodüser Maksim Fadeyevdən bu barədə mənəvi dəstək aldıqdan sonra düşünməyə başlayıb. Qrupun digər üzvləri Olqa Seryabkina və Yelena Temnikova da Karpovanı dəstəkləyənlər arasındadır. Artıq Nastyanın yerinə kollektivə daxil olacaq yeni xanım da tapılıb. Bu, Darya adlı gənc bir qızdır.
Sahilə Aslanova
Muz-Tv.az