“Azərbaycanfilm”in 90 illik yubileyi qeyd edildi

Sentyabrın 30-da Nizami Kino Mərkəzində Cəfər Cabbarlı adına “Azərbaycanfilm” kinostudiyasının 90 illiyinə həsr olunan yubiley gecəsi keçirilib.

   Sentyabrın 30-da Nizami Kino Mərkəzində Cəfər Cabbarlı adına “Azərbaycanfilm” kinostudiyasının 90 illiyinə həsr olunan yubiley gecəsi keçirilib. Tədbirdən əvvəl kino mərkəzinin qarşısında yaddaqalan filmlərdə vaxtilə istifadə olunan geyimlər və rekvizit nümunələri nümayiş etdirilib. Daha sonra  xarici ölkələrin kino xadimlərinin də iştirak etdiyi yubiley mərasimi mədəniyyət və turizm naziri Əbülfəs Qarayevin giriş sözü ilə açıq elan edilib.

   Tədbirdə Kinematoqrafçılar ittifaqının sədri, xalq artisti Şəfiqə Məmmədova, kinostudiyasının direktoru Müşfiq Hətəmov və xaricdən xüsusi olaraq bu münasibətlə ölkəmizə təşrif buyuran əcnəbi incəsənət xadimləri söz alaraq yubiley ili münasibəti ilə kino işçilərini təbrik ediblər. Gecədə Azərbaycan kinosunun tarixini əks etdirən video çarx da nümayiş olunub.

   Tədbirin  sonunda Azərbaycan Simfonik Orkestrinin iştirakı ilə filmlərimizdən ən sevilən musiqilər və xalq rəqsləri qonaqlara təqdim edilib.

 

Sahilə Aslanova

Ramal Gülməmmədov

 

Muz-Tv.az