Elnarə ad günündə həyat yoldaşı ilə belə rəqs etdi

Müğənni Elnarə Xəlilova dostlarını ətrafına toplayaraq şəhər restoranlarının birində özünə təmtəraqlı doğum günü mərasimi keçirib.

    Müğənni Elnarə Xəlilova dostlarını ətrafına toplayaraq şəhər restoranlarının birində özünə təmtəraqlı doğum günü mərasimi keçirib.Saat 8 radələrində gecəyə təşrif buyuran Elnarə xanım alqışlarla qarşılanıb. Hər kəslə bir-bir görüşən müğənni hədiyyələri də toplamağı unutmayıb.

   İfaçı ilk olaraq tədbiri həyat yoldaşı Rövşən Cahangirovla həzin musiqi sədaları altında rəqs edərək açıb. Daha sonra suallarımızı cavablandıran səbəbkar son dəfə doğum gününü 13 il əvvəl keçirdiyini vurğulayaraq bu günün onun üçün çox önəmli olduğunu deyib.

   Heyranlarının sosial şəbəkədə onu təbrik atəşinə tutmasından heyrətə gələn Elnarə xanım onlara  təşəkkür etməyi də unutmayıb. Müğənnini bu özəl günündə sənət dostları da tək buraxmayıblar. Onlar da öz növbələrində elnarəyə xoş diləklərini çatdırıblar.Gecəyə qədər davam edən tədbirdə səbəbkar qol götürüb dostları ilə o ki var rəqs edib.

 

Sahilə Aslanova

Bəxtiyar Nəsirov

 

Muz-Tv.az