Skarlet Yohanson: “Məhv oldum, karyeram başlamadan bitdi”

Hollivudun ən çox qazanan ulduzlarından biri olan aktrisa Skarlet Yohanson karyerasının başlanğıcında iş tapmaqda çətinlik çəkdiyini etiraf edib. 

    Hollivudun ən çox qazanan ulduzlarından biri olan aktrisa Skarlet Yohanson karyerasının başlanğıcında iş tapmaqda çətinlik çəkdiyini etiraf edib. “Karyeram başlamamış bitəcəkdi” deyən 56 milyon dollarlıq sərvət sahibi Skarlet: “Anam məni uşaq aktyorlarla çalışan bir agentliyə apardı. Amma məni bəyənmədilər. Rədd etdilər. Məhv oldum. Karyeram başlamadan bitdi” –deyə fikirləşdim ” – söyləyib.  Bundan başqa, Yohanson: “Çox çətinlik çəkdim. Amma indi bu nöqtəyə gəldiyimə görə xoşbəxtəm” –deyib.

   Əmrah sevgilisi Sibel Kirərlə gəzərkən görülüb. Bu günədək şəxsi həyatını daim gözlərdən uzaq yaşayan müğənni yenə ənənəni pozmayıb. Gizlicə evləndikləri iddia edilən cütlük müxbirləri görən kimi Kirərin idarə etdiyi maşına tərəf gediblər. Sevgililər onlara yönəldilən sualları da cavabsız qoyublar.

   “Qan və eşq” filmi ilə özünü rejissor kimi də sınayan Ancelina Coli “Unbroken” adlı yeni işini Avstraliyada çəkəcək. Aktrisa 2-ci Dünya Müharibəsində reallaşan hekayəsi üçün Sidneyi və Nyu Sauz Ueyls əyalətini seçib.  Laura Hillenbrendin eyniadlı kitabı əsasında çəkilən film atlet Luis Zamperininin həyatından bəhs edir. Colinin filmində Zamperinini canlandırmaq üçün Cek Okonnelli dəvət etdiyi deyilir.

   Türkiyəli aktyor Kıvanç Tatlıtuğun qardaşı Cem Tatlıtuğun bıçaqlandığı iddia edilir. Məlumata görə, hadisə iki ay əvvəl baş verib.  Məşhur ulduzun qardaşının motosiklet sürən bir qadınla meydan ortasında mübahisə etdiyi söylənilir. Dava zamanı qadın ani bir hərəkətlə əlindəki bıçağı Cemin qarın boşluğuna vurub. Qəzəblənən Tatlıtuğ isə xanıma iri bir kərpic atıb. Hadisənin uzun müddətdən sonra ortaya çıxması hər kəsi təəccübləndirib.

 

Sahilə Aslanova

 

Muz-Tv.az