Emin Ağalarov: “O, inanılmaz dərəcədə ağıllıdır”

İfaçı-bəstəkar Emin Ağalarov “Exo Moskva” radiosunun qonağı olub. Bir çox məsələlərə toxunan Emin kainat gözəli Oliviya Kalpo haqqında da danışıb...

    İfaçı-bəstəkar Emin Ağalarov “Exo Moskva” radiosunun qonağı olub. Bir çox məsələlərə toxunan Emin kainat gözəli Oliviya Kalpo haqqında da danışıb: “İlk növbədə o, “Miss Kainat” gözəlinə bənzəmir. Belə ki, boyu o qədər də hündür deyil, yəni iki metr deyil. Çox gözəldir. Unikallıq ondadır ki, onunla ünsiyyətdə olarkən anlayırsan ki, bu qız təhsillidir, inanılmaz dərəcədə ağıllıdır, bacarıqlıdır, mətbuatla düzgün ünsiyyət qura bilir, izafi informasiya vermədən çətin sualları cavablandırır”.

   Prodüser Tolik müğənni Röyanın onun haqqında danışmağa qadağa qoymasına münasibət bildirib. O, sosial şəbəkədə: “Mənim tanınmışlar barədə danışmağa haqqım var” -deyərək Röyaya cavab verib. “Röya, məndən şikayət edəcəksən, canın sağ olsun. Görüm hansı qanunla ağzıma qıfıl qoyacaqlar. Mən sənə zəng vuranda heç vaxt “qurban olum” deməmişəm. Hörmətli Röya, nəzərinə çatdırım ki, Azərbaycan Respublikasının konstitusiyasının tələbinə görə, hər bir vətəndaşın söz azadlığı var. Əgər orada təhqir yoxdursa, heç bir dövlət qurumu buna məhdudiyyət qoya bilməz. Ona görə də nəzərinizə çatdırıram ki, sizin qədər respublikada tanınmış sima olduğum üçün siz və digər müğənnilərin sənətini müzakirə etməyə haqqım var.P.S. “Süd verdiyiniz Tolik”, deyə o , sözlərinə əlavə edib.

   Repçi Qurd yeni klipinin çəkilişlərini başa vurub.  “Tapın onu” mahnısına çəkilən ekran işinin rejissoru Emil Quliyevdir. Klip ifaçının 18 yaş üzərində olan dinləyiciləri üçün nəzərdə tutulub. Repçinin yeni mahnısının baxış sayı “Youtube” sosial şəbəkəsində sürətlə artmağa başlayıb.

   Gənc müğənni Lamiyə Novruzova yeni fotosessiya etdirib. “Muz Life” olaraq  şəkilləri sizlərə təqdim edirik.

 

Sərvər Mehdiyev

 

Muz-Tv.az