Teymur Əmrah Gülyaz Məmmədovaya öz sevgisini etiraf etdi

Əməkdar artist Teymur Əmrah həmkarı Gülyaz Məmmədovaya sevgisini etiraf edib. Bu barədə müğənni özü açıqlama verib. 

    Əməkdar artist Teymur Əmrah həmkarı Gülyaz Məmmədovaya sevgisini etiraf edib. Bu barədə müğənni özü açıqlama verib. O, G.Məmmədovayla evlənmək istədiyini bildirib: “Bu günə kimi cəmi iki qız tələbəm olub: İradə İbrahimova və Sima Qasımova. Bəxtimdən tələbələrimin hamısı ailəli idi. Mənim üçün vizual görünüş əhəmiyyətli deyil, insani keyfiyyətlər daha vacibdir. Gülyaz xanımın tərbiyəsinə vurulmuşam. Onu sevəndə ailəli, bir övlad anası olduğunu bilməmişəm. Gülyazla birlikdə yaşaya bilərik, oğluna da baxaram. Onun özünə də bu təklifi etmişəm. Deyib ki, səni çox istəyirəm, amma mənim övladım var. Artıq yaş keçib, qovuşmaq bizdən uzaqdır”. 
Əməkdar artistin sözlərinə görə, ailə qurmaq üçün qız axtarışına davam edir.
    Xalq artisti Brilliant Dadaşova sosial şəbəkədəki profillərinin özünəməxsus olduğunu sübut etməyə çalışır. Axşam.az-ın məlumatına görə sənətçi deyib ki, onun adından saxta adlarla qeydiyyatdan keçirlər:“Mənim telefonumda heç vaxt şəklim olmayıb. İndi “Facebook” sayəsində telefonum şəkillə doludur. Profilimi təzə açanda insanlar həqiqətən də mənim olduğuma şübhə edirdilər. Mən də yataqda uzandığım yerdə, gecə geyimində şəkil çəkib paylaşdım. Bu cür fotom heç kimdə ola bilməzdi. Gün ərzində ismarıc qutuma minlərlə məktub gəlir. Heç kimə cavab vermirəm. Sadəcə fotolarımın altından axmaq fikirlər yazanlara baxıram. Səhifələrinə baxanda hiss edirəm ki, necə səfeh adamlardır. Yalandan məni sevmədiklərini yazırlar. Amma düşünürəm ki, mən elə o insanlar üçün maraqlıyam deyə, profilimdə yatıb qalıblar”.

    Türkiyədən on gündən sonra dönəcəyini deyən Aygün Kazımova ötən gün gözlənilmədən Bakıya qayıdıb. Lent.az xəbər verir ki, xalq artistinin paytaxta qayıtmasına səbəb yaradıcılıq işləriylə bağlıdır. Bakıya nə üçün döndüyünü  açıqlamayan A. Kazımova 2-3 gündən sonra yenidən İstanbula gedəcəyini bildirib. Orada yenicə müqavilə imzaladığı “Pol Prodiction” şirkəti ilə işbirliyinə start verəcək. Qeyd edək ki, onun və Röya Ayxanın Türkiyədəki işlərini “Pol Prodiction” şirkəti gerçəkləşdirir.

 

 

Fuad Oqtayoğlu

 

Muz-Tv.az