Məşhur cütlük boşanmaq fikrindən daşındı

Hollivudun məşhur cütlüklərindən biri olan Maykl Duqlas və Ketrin Zeta Cons boşanmağa hazırlaşırdı. 13 ildir evli olan ulduzlar evliliklərinə davam etmə qərarı alıb. 

   Hollivudun məşhur cütlüklərindən biri olan Maykl Duqlas və Ketrin Zeta Cons boşanmağa hazırlaşırdı. 13 ildir evli olan ulduzlar evliliklərinə davam etmə qərarı alıb. “Daily Mail”-ə müsahibə verən cütlüyə yaxın mənbələrdən biri qərarın yalnız uşaqlara görə alınmadığını, sevgililərin bir-birlərinin dəyərini ayrılıq müddətində daha da yaxşı anladıqlarını söyləyib. Təklifin Duqlasdan gəldiyi bildirilir. Xatırladaq ki, 1990-cı ildən bəri birlikdə olan Maykl Duqlas ilə Ketrin Zeta Cons cütlüyü 2000-ci ildə evlənib.

   Amerikalı model və aktrisa Tayra Benks reklamlarında onun adından və fotolarından istifadə edən  10 parik istehsal edən firmanı 10 milyon dollarlıq təzminat məhkəməsinə verib. Los Anceles məhkəməsinə şikayət ərizəsini təqdim edən 39 yaşlı ulduz: “İcazəm olmadan kimliyimdən, görüntülərimdən istifadə edib özlərinə gəlir əldə edirlər. Buna imkan yaratmaram” –deyib.

   Amerikalı aktrisa Codi Foster tok-şou aparıcısı Ellen DeCeneresin keçmiş sevgilisi, fotoqraf Aleksandra Hedisonla eşq münasibətləri yaşayır. Bu ilin yanvarında təşkil edilən “Qızıl qlobus” mükafatlandırma mərasimində cinsi azlıq olduğunu açıqlayan Codi çox xoşbəxt olduğunu və əlaqələrinin mükəmməl şəkildə davam etdiyini söyləyib.

    Infeksiyaya yaxalanan məşhur müğənni Vera Brejnevanın səs telləri zədələnib. Ulduz səsini itirib və bir neçə gün susmaq məcburiyyətində qalıb. Vera istəklərini yalnız balaca dəftərə yazmaqla başa sala bilib. Həkimlər Brejnevaya bir neçə gün susmağı məsləhət görüblər. Hazırda “VİA Qra-ya istəyirəm” verilişinin aparıcısı özünü daha yaxşı hiss etdiyini deyib.

 

Sahilə Aslanova

 

Muz-Tv.az