Mustafa Cecelinin Bakı konsertindən ən maraqlı görüntülər

Türkiyənin ən sevilən müğənnilərindən biri Mustafa Ceceli “Fire land”prodakşının təşkilatçılığı ilə Heydər Əliyev Sarayında konsert verib.

    Türkiyənin ən sevilən müğənnilərindən biri Mustafa Ceceli “Fire land”prodakşının təşkilatçılığı ilə Heydər Əliyev Sarayında konsert verib. Tədbirin aparıcıları şoumen Murad Dadaşov və telejurnalist Nərgiz Cəlilova olub. Amma qonaq sənətçi səhnəyə çıxmazdan öncə xalq artisti Alim Qasımov və qızı Fərqanə Qasımova ifaları ilə hər kəsdə xoş əhval-ruhiyyə yaradıb. İlk olaraq tamaşaçılar sözləri Cəlal Qurbanova, musiqisi Gövhər Həsənzadəyə məxsus olan ”Sən Azərbaycanlısan”mahnısının klipini izləyiblər və milli rəqs qrupu gələn qonaqları əyləndirib.

   Nəhayət gözlənilən vaxt gəlib və günün qəhrəmanı Mustafa səhnədə görünüb. İlk olaraq qonaqları salamlayan məşhur onu sevənləri çox intizarda saxlamayaraq ifasına “Es”mahnısı ilə start verib. Konsertin ən maraqlı məqamı isə Mustafanın Röya Ayxanı səhnəyə dəvət edərək onunla “Gizli sevgi”mahnısını duet oxumağı olub. Alqışlarla bitən duetdən sonra pozitiv görünən ”Röyaların röyası” ilk olaraq Mustafa haqda fikirlərini bizimlə bölüşüb. Görünür, müğənni bu duetdən yaman razı qalıb.

Konsert bitdikdən sonra media qarşısına çıxan Mustafa həmişəki kimi öz səmimiliyindən qalmayaraq hisslərini “Muz life”tamaşaçıları ilə bölüşüb. Konsert zamanı qalstukunu və yaylığını azərbaycanlı pərəstişkarlarına hədiyyə edən  Mustafa Ceceli sözünü zarafata salaraq az qala köynəksiz qalacağından da etiraf edib. Anşlaq yaşanan tədbirdə daha bir sürpriz gecənin sonunda olub. Belə ki, Azərbaycan xalq mahnısı “Tar kamanım”ı ifa edən Mustafa Ceceli gurultulu alqışlarla qarşılanıb.

 

 

Fuad Oqtayoğlu

Elfaq Lələyev

 

Muz-Tv.az