Tünzalə Ağayeva “Gülbahar”ı təqdim etdi

Əməkdar artist Tünzalə Ağayeva pərəstişkarlarını yeni mahnı ilə sevindirib.“Gülbahar” adlanan mahnının sözləri böyük şair Hüseyn Cavidin "Qız məktəbində" şeiri əsasında yazılıb.

    Əməkdar artist Tünzalə Ağayeva pərəstişkarlarını yeni mahnı ilə sevindirib. “Gülbahar” adlanan mahnının sözləri böyük şair Hüseyn Cavidin "Qız məktəbində" şeiri əsasında yazılıb. Əsərin musiqisi isə Tünzalə Ağayevanın özünə məxsusdur.

    Türkiyədə yaşayan azərbaycanlı model Günay Musayeva “İstanbul Fashion Week” çərçivəsində dünyaca məşhur türk dizayneri Çiğdem Akının defiləsində baş model qismində iştirak edib. Tədbirin xüsusi qonağı olan həmyerlimiz bir çox dünya moda telekanallarınında yayımlayacağı İNFERNO dəfiləsində iki geyim nümayiş etdirib. Gecənin sürprizi isə dəfiləyə Günayın oğlu Cihangir Canın gəlişi olub. Modelin həyat yoldaşı Tolqa Karel də izləyicilər arasında olub.

   “Dəyirman” qrupunun üzvü Malik Kələntərli qızlarının fotolarını ortaya çıxarıb. Belə ki o, jurnalların biri üçün şəkil çəkdirib və övladları ilə dost olduğunu deyib: “Qızlarım xasiyyətcə bir-birinin əksidir. Şanis təbiətcə çox sakit, Xədicə isə əksinə çılğındır. Xədicə adını çox bəyənirəm. İlk növbədə, ona görə ki, peyğəmbərimizin həyat yoldaşı olub. Xədicə həm də nənəmin adıdır. Şanis 1994-95-ci illərdə dostlarımız arasında ən sevdiyimiz ad idi. Belə qərara gəlmişdik ki, kimin birinci qız övladı olsa, ona Şanis adını verəcək. Ad mənim qismətimə düşdü. Onu da deyim ki, tərbiyə sistemimiz fərqlidir. Məncə, uşağı döymək yox, sözlə başa salmaq lazımdır. Qızımla dost kimiyik və tez-tez söhbətləşirik. Hətta bilmək istədiyi sualı da ilk olaraq, anasına yox, mənə verir”.

   Eldar Qasımov  “The one” adlı mahnıya çəkdirdiyi klipi təqdim edəcək. Təqdimat oktyabrın 14-də, saat 17:00-da  baş tutacaq. Həmin günü müğənninin fanatları ilə görüşü nəzərdə tutulub. Qeyd edək ki, Eldarın pərəstişkarlarının şəkil çəkdirib və avtoqraf almaq fürsətləri də olacaq. 

 

Sərvər Mehdiyev

 

Muz-Tv.az