Ledi Qaqa yeni mahnısını təqdim etdi

Ledi Qaqa “Aura” adlı yeni mahnısını heyranları ilə paylaşıb. Kompozisiya ulduzun “ARTPOP” albomuna daxil ediləcək və Robert Rodrigesin “Maçete öldürür” filminin...

   Ledi Qaqa “Aura” adlı yeni mahnısını heyranları ilə paylaşıb. Kompozisiya ulduzun “ARTPOP” albomuna daxil ediləcək və Robert Rodrigesin “Maçete öldürür” filminin saundtreki olacaq. Ledi Qaqa trekin ekran versiyasında Xameleon adlı qızı canlandırıb. Ulduzun sözügedən filmdə də rol alacağı iddia edilir.

   Rusiyalı müğənni Valeriyanın həyat yoldaşı İosif Priqojin ulduzla ortaq övladlarının olmasını arzuladığını gizlətmir. Bu istəklərini reallaşdırmaq üçün cütlük hər üsula əl atmağa hazırdır. Priqojinin sözlərinə görə, onlar hətta Maksim Qalkin və Alla Puqaçovanın yolu ilə gedərək surroqat ana metoduna da müraciət edə bilər.

   2010-cu ildə qırtlaq xərçənginə yaxalanan məşhur aktyor Maykl Duqlas xəstəliyi ilə bağlı yalan dediyini etiraf edib. Ulduz əslində dil xərçəngi olduğunu və həkiminin istəyi ilə yalan dediyini söyləyib. Aktyor bu hadisənin “Wall Street” filmi üçün turneyə çıxacağı bir dövrdə baş verdiyini bildirib.

   Qadın sənətçilər arasında ən çox konsert verən müğənnilərdən biri olan Hadisə yenidən heyranları ilə bir araya gəlib. Bir alış-veriş mərkəzinin açılış mərasimində konsert verən müğənni 40 dəqiqə səhnədə qalıb.  Bütün mahnılarını fonoqramla ifa edən Hadisənin yenidən kökəlməyə başladığı diqqətdən yayınmayıb.

 

Sahilə Aslanova

 

Muz-Tv.az