“Eurovision”Mahnı müsabəqəsinin birinci yarımfinalından son görüntülər
“Eurovision”Mahnı müsabəqəsinin birinci yarımfinalı başa çatıb...
“Eurovision”Mahnı müsabəqəsinin birinci yarımfinalı başa çatıb. Muz tv olaraq müsabiqənin birinci yarımfinalından əvvəl şəhərimizin bayram əhval-ruhiyyəsini sizə təqdim edirik. Finalın başlamasına saatlar qala Milli Parkda çalıb oynayan kim, kameramızın hədəfinə tuş gəldiyi üçün sevinən kim.Yerli vətəndaşlardan əlavə xarici vətəndaşlar da Bakıda keçirilən möhtəşəm yarışmanın sevincini yaşadılar.Onlar komplekssiz şəkildə Bakı küçələrində əyləndilər. Gənclər isə əlbəttə ki, öz ritmlərini Eurovision ritmi ilə daha da maraqlı etdilər.Artıq saat Bakı vaxtı ilə 00:00 göstərir və Eurovision şousu start verdi. Aparıcılar Leyla,Eldar, Nərgiz qonaqları salamladıqdan sonra Monteneqro təmsilçisi Rambo Amadeus “Euro Nero” mahnısı ilə səhnəni ələ aldı .Daha sonra isə qalan 17 ölkə ardıcıllıqla şounu davam etdirdilər. Birinci yarımfinalda Monteneqro, İslandiya, Yunanıstan, Latviya, Albaniya, Rumıniya, İsveçrə, Belçika, Finlandiya, İsrail, San-Marino, Kipr, Danimarka, Rusiya, Macarıstan, Avstriya, Moldova və İrlandiyadan olan təmsilçilər hər biri maraqla qarşılandı. Xəzər dənizi sahilində tikilmiş "Bakı Kristal Zalı"nda 23 min tamaşaçı bu anı həyəcanla izlədi. Dünyanın 50 ölkəsindən 100 milyondan artıq insan “Eurovision”nun teleauditoriyasına çevrildi.
Azərbaycanın ev sahibliyi etdiyi "Eurovision 2012" mahnı müsabiqəsinin şouları 46 ölkədə canlı yayımlandı.Bu ölkələr müsabiqədə iştirak edən 42 ölkə, eləcə də Avstraliya, Qazaxıstan, Ermənistan və Kosovo Respublikasıdır. Bununla da həm də bütün Azərbaycan mədəniyyəti dünyaya nümayiş etdirildi.Rusiyanın “Eurovision” dakı nənələri səhnəyə çıxanda mətbuat mərkəzində izdiham yaşandı və bütün Rusiya sevərlər onlara dəstək oldular.” Buranovski babuşki” qrupunun meneceri nənələrin İçəri şəhəri gəzdiyini deyərək onların Azərbaycan dilində öyrəndiyi sözlərdən də danışdı.Daha sonra Natiq ritm qrupunun səhnəyə çıxması ilə Mətbuat Mərkəzində həqiqi bir şou yaşandı.Hər kəs Azərbaycan və türk bayraqlarını dalğalandırdı və adət-ənənəmizə uyğun olaraq yallı getdilər, müxtəlif rəqslər etdilər. Bir sözlə həm əyləndilər, həm musiqi sədaları altında Azərbaycanın mədəniyyətini bütün xarici jurnalistlərə nümayiş etdirdilər.Az sonra səsvermənin nəticələri açılandı,10 ölkə sevindi 8 ölkə isə finala keçmədiyi üçün təəssüfünü gizlədə bilmədi. Səsvermə bütün mobil operatorlardan 9450-yə SMS göndərməklə oldu. Yarımfinal mərhələsində iştirak edən 18 ölkənin çıxışlarından sonra 15 dəqiqə ərzində yarışmaçılara səs göndərmək imkanı yaradıldı. Bir telefondan maksimum 20 səs göndərmək mümkündür və bir SMS 60 qəpikdir. Səsvermə nəticəsində Finala Ruminiya, Moldova, İslandiya, Macarıstan, Danimarka, Albaniya, Kipr, Yunanıstan, Rusiya, İrlandiya vəsiqə qazandılar.Daha sonra isə finala vəsiqə qazanana iştirakçılar mətbuat konfransına gəldilər və jurnalistlərin suallarını cavablandırdılar. Hətta Kipr təmsilçi İvi Adamouya rusiyalı jurnalist tərəfindən sevgi etirafı daedildi.Jurnalistin “Mənimlə evlənərsinizmi” sualı iştirakçını çox təəccübləndirdi.Rumıniya təmsilçisi "Mandinga" hər bir ifaçının güclü şou nümayiş etdirdiyini bildirdi. Moldova ifaçısı Paşa Parfeni artıq finalda da birinci yerə kökləndiyini xatırlatdı. İslandiya təmsiçiləri Gretta Solome və Jonsi Bakı şousundan xüsusi zövq aldıqlarını dedilər. Qələbələrinə inanmayan Macarıstan təmsilçisi "Compakt Disco" qrupu da bu qələbədən məmnundular. Danimarkalı Soluna Samay finalı səbrsizliklə gözlədiyini bildirdi. Albaniya təmsilçisi Rona Nişliu Azərbaycana belə bir şouya görə təşəkkür etdi.Yunanıstandan Eleftheria Eleftheriou finala keçməsinə görə çox xoşbəxtdir. Rusiya təmsilçisi "Buranovskiye babuşki" çıxışlarından razı qaldı. "Jedward" qardaşları da finala keçmələrinin sevincini jurnalistlərlə bölüşdülər.Həmçinin konfransda finala keçən iştirakçıların püşkatma mərasimi oldu və 26 mayda Bakı Kristal Zalında çıxış ardıcıllığı müəyyənləşdi. Ardıcıllığa görə, Ruminiyanın 14,Moldovanın 26,İslandiyanın 7, Macarıstan 2,Danimarkanın 15, Albaniyanın 3,Kiprin 8, Yunanıstanın 16, Rusiyanın 6, İrlandiyanın 23-cü yerdə çıxış edəcəyi açıqlandı.Qeyd edək ki, müsabiqənin finalı mayın 26-da keçiriləcək. Finalda 26 ölkə - yarımfinalda qalib gələn 20 ölkə, müsabiqənin “böyük beşliyi” və ötənilki qalib kimi Azərbaycan çıxış edəcək.
Çinarə Nurməmmədova
Muz-Tv.AZ