Dünyaşöhrətli ulduz sevgilisindən ayrıldı

Avstraliyalı müğənni Kayli Minoq beş ildir birlikdə olduğu ispan model Andres Velenkosodan ayrılıb. 45 yaşlı ifaçının çalışma saatlarının ağır olduğu və son aylar demək olar ki,..

   Avstraliyalı müğənni Kayli Minoq beş ildir birlikdə olduğu ispan model Andres Velenkosodan ayrılıb. 45 yaşlı ifaçının çalışma saatlarının ağır olduğu və son aylar demək olar ki, sevgilisi ilə heç görüşə bilmədiyinə görə bu qərarı aldığı bildirilir. Kayli çox kədərli olduğunu söyləyib. Həm 12-ci albomunu hazırlayan, həm də İngiltərədə yayımlanan “The Voice” yarışmasında jürilik edən müğənninin meneceri: “İkisi də bu qərarı sükunətlə qarşıladı. Heç kimin günahı yoxdur” –deyib.

    Bir il əvvəl Rusiya mətbuatı  aktyor Sergey Bezrukovun həyat yoldaşının hamilə olduğunu iddia etmişdi. Amma cütlük bu xəbəri qətiyyətlə inkar etmişdi. İndi isə Sergeyin atası oğlunun əkiz övlad atası olduğunu deyib. Xoşbəxt baba qız nəvəsini Aleksandra, oğul nəvəsini isə İvan adlandırdıqlarını söyləyib. Məlumata görə, İrina Bezrukova körpələri bir il əvvəl dünyaya gətirib. Baba isə körpələrin nə zaman dünyaya gəlməsi haqqına danışmaqdan imtina edib.

    Bu ilin əvvəlində birlikdə tətilə getdiyi ingilis “One Direction” qrupunun üzvü Harri Stayldan ayrılan amerikalı müğənni Teylor Svift həyatının sevgisini hələ tapmadığını etiraf edib. Bu barədə kantri ifaçısı jurnallardan birinə verdiyi müsahibəsində danışıb. “Məncə, sevgi - fiziki mənada birinin ağlına, düşüncə tərzinə heyran olmaqdır. Duyğular baxımından isə birinin yanında özünü təhlükəsiz hiss etməkdir. Mən bunların hamısını bir insanda görmək istərdim. Yəqin ki sevgi münasibətlərinə baxış tərzimi dəyişməli olacağam” –deyə Teylor bildirib.

    Castin Biber çoxdan gözlənilən yeni “Heartbreaker” mahnısını internetdə yayımlayıb. Kompozisiya ulduzun “Music Mondays” adlı yeni layihəsi çərçivəsində təqdim edilib. Belə ki, sözügedən layihəyə əsasən Biber 10 həftə ərzində hər bazar ertəsi bir yeni mahnısını heyranlarına təqdim edəcək.  “Bu əsər sevgidən ürəyi qırılan insanlara həsr olunub. Mən də mahnını yazanda eyni vəziyyətdə idim” –deyə Castin Twitterdə yazıb.

 

Sahilə Aslanova

 

Muz-Tv.az