Fəxriyyə Evcən fransalı məşhur ulduzla eyni filmdə rol alacaq

Türkiyəli aktrisa Fəxriyyə Evcən baş rolunu ifa etdiyi “Çalıkuşu” serialının xarici arenada tanıdılması üçün keçən həftə Kanndakı televiziya festivalına qatılıb...

    Türkiyəli aktrisa Fəxriyyə Evcən baş rolunu ifa etdiyi “Çalıkuşu” serialının xarici arenada tanıdılması üçün keçən həftə Kanndakı televiziya festivalına qatılıb. Prodüserlərin diqqətini çəkən Fəxriyyə Fransadan film təklifi alıb. Layihə reallaşarsa, aktrisa Monika Belluçinin keçmiş həyat yoldaşı Vinsent Kassellə eyni filmdə rol alacaq.

    Hollivud ulduzu Keyt Uinslet “Vogue” jurnalının noyabr sayının üz qabığında yer alıb. Qırışsız dərisi, qeyri-təbii, parlaq mavi gözləri və sağ yanağındakı xalının yox olması Uinsletin həddən artıq fotoşop etdirdiyi iddialarına yol açıb. Xatırladaq ki, 2003-cü ildə də “GQ” jurnalının üz qabığında yer alan 38 yaşlı aktrisanın ayaqlarının uzunluğu nəzərəçarpacaq dərəcədə qısaldılmışdı.

    Türkiyəli aktrisa Sinəm Kobalın xalası vəfat edib. Ulduzu bu ağır günündə sevgilisi, “Atletiko Madrid” futbol klubunun oyunçusu Arda Turan tək qoymayıb. Sinəm cənazədə başını Ardanın çiyninə söykəyərək göz yaşı töküb. Xəbəri oyun zamanı eşitdiyini söyləyən Arda məyus olduğunu və Sinəmin xalasını öz doğması kimi çox istədiyini bildirib.

    Amerikalı aktyor Tom Kruzdan keçən il boşanan Keti Holmsun Cemi Foksla bir müddətdir eşq yaşadığına dair xəbərlər cütlüyün yaxınları tərəfindən təsdiqlənib. Avqustda haqlarında gəzən şayiələri yalanlayan məşhurların yaxın dostları onların bir müddətdir birlikdə olduqlarını bildirib. Tom Kruzdan ayrılarkən qızı Surinin vəlayətini alan 34 yaşlı Holms isə Tomun yaxın dostu olan Foksla münasibətlərinin olduğunu gizli saxlayır.

 

Sahilə Aslanova

 

Muz-Tv.az