ASAN xidmət məşhurları mükafatlandırdı

Yarandığı gündən etibarən vətəndaşların həyatını daha da asanlaşdıran ASAN xidmət mərkəzi bu dəfə məşhurlarımızı ətrafına toplayıb. 

   Yarandığı gündən etibarən vətəndaşların həyatını daha da asanlaşdıran ASAN xidmət mərkəzi bu dəfə məşhurlarımızı ətrafına toplayıb. Artıq xəbər verdiyimiz kimi oktyabrın 11-də Heydər Əliyev Sarayında “Sən Azərbaycanlısan” klipinin təqdimatı reallaşıb. Elə məhz bu səbəbdən ASAN xidmət məşhurları təşəkkürnamə ilə təltif edib.

   Xalq artistləri Fidan və Xuraman Qasımova bacıları, Zülfiyyə Xanbabayeva, əməkdar artistlər Gövhər Həsənzadə, Fərqanə Qasımova, şoumen Murad Dadaşov və teleaparıcı Nərgiz Cəlilovanın iştirak etdiyi mərasimdə ilk olaraq ASAN xidmətin sədri İnam Kərimov söz alıb.

   Daha sonra bir-birinin ardınca alqış sədaları altında təşəkkürnamələr incəsənət xadimlərimizə təqdim edilib.Mərasimdən sonra məşhurlarımız ASAN xidmətə bu gözəl layihəyə görə təşəkkürlərini bildiriblər. Tədbirin sonunda ulduzlarımız birlikdə şəkil çəkdiriblər.

 

Sahilə Aslanova                  

Elfaq Lələyev

 

Muz-Tv.az