Xalq artisti Faiq Ağayev Moskvaya getdi

Xalq artisti Faiq Ağayev Moskvaya yola düşüb. Müğənni orada Milli Müstəqillik Günü münasibətilə təşkil edilən ziyafətdə çıxış edib. Bu haqda sənətçi sosial şəbəkədə yazıb.

    Xalq artisti Faiq Ağayev Moskvaya yola düşüb. Müğənni orada Milli Müstəqillik Günü münasibətilə təşkil edilən ziyafətdə çıxış edib. Bu haqda sənətçi sosial şəbəkədə yazıb: “Azərbaycanın Rusiyadakı səfirliyi tərəfindən Moskvada təşkil edilən, Dövlət Müstəqilliyi gününə həsr olunan ziyafətdə aparıcı və əsas sənətçi kimi öz ansamblımla səhnəyə çıxdım. Musiqimizin necə möcüzə gücünə sahib olduğunu gördüm. Rusiya və digər xarici ölkələrin siyasi-ictimai xadimlərinin, sənət adamlarının konsert zamanı ifalara valeh olması məni qürurlandırdı. Fəxr edirəm ki, zəngin Azərbaycan incəsənətinin bir damlası, bir zərrəsiyəm”.

   Əməkdar artist Eyyub Yaqubov türk müğənnisi Fərhad Göçərin onun ifa etdiyi “Kim bilir” mahnısına müraciət etməsindən danışıb. Sənətçi Göçərin onun əsərini ifa etməsinə sevindiyini deyib: “İllər öncə səsləndirdiyim “Kim bilir” mahnımı Türkiyənin tanınmış müğənnisi Ajda Pekkan, Filipp Kirkorov da ifa edib. Ən sonda Fərhad Göçər bu mahnıya müraciət edib. Fərhada əsəri ifa etdiyinə görə halallığımı verirəm”.

   Səhnədən getmə xəbəri yayılan əməkdar artist Aygün Bəylərin səsi batıb.  Buna səbəb isə onun sağlamlığında yaranan problemlər olub. Soyuqlayan müğənni səsi batdığı üçün bir neçə gün efirlərə çıxmayacağını və oxumayacağını bildirib.
Xatırladaq ki, bir müddət öncə əməkdar artist tamamilə səhnəni tərk edəcəyini, bizneslə məşğul olacağını demişdi.

   Müğənni Elçin Cəfərov doğum gününü qeyd edir. Ifaçını artıq sənətçi dostları sosial şəbəkədə təbrik etməyə başlayıblar. Elçin üçün bu gün 2 qat sevincli gündür. Belə ki, onun doğum günü Milli Müstəqillik Gününə təsadüf edir. Qeyd edək ki, Elçinin bu özəl günü ilə bağlı hər hansı tədbir keçirəcəyi hələ bəlli deyil.

 

Sahilə Aslanova

 

Muz-Tv.az