Ebru Gündeş qeyri-adi geyimi ilə göz qamaşdırdı

Məşhur müğənni Ebru Gündeş Qurban bayramının ikinci günündə Türkiyənin Girnə əyalətində səhnə alıb. 

   Məşhur müğənni Ebru Gündeş Qurban bayramının ikinci günündə Türkiyənin Girnə əyalətində səhnə alıb. Bahalı brendlərdən birinin imzasını daşıyan kətan üzərində yağlı boya ilə işlənmiş geyim geyinən Gündeş gözəlliyi ilə göz qamaşdırıb.

   “ELLE” jurnalı noyabr sayında üz qabığında aktrisa Melissa Makkartiyə yer verib. Amma adətən arıq xanımlarla çalışan dərgi oxucuların tənqid hədəfinə tuş gəlib. Belə ki, jurnalın yaradıcı komandasının 43 yaşlı Makkartiyə bol bir palto geydirərək vücudunun xətlərini gizləməsi etirazlara səbəb olub. Qadın haqlarını qoruyan cəmiyyətlər fotonun kök qadınlara müəyyən ismarıclar verdiyini iddia edirlər. Belə ki, onların fikrincə jurnal dolubədənli insanlara öz bədənlərini gizlətmələrini tövsiyyə edir.

   “MedCezir” serialı ilə ekrana geri dönən aktrisa Serenay Sarıkaya rolu üçün 6 kilo arıqlayıb. Ulduzun bunun üçün Bikram yoqa üsuluna müraciət etdiyi məlum olub. Belə ki, bu üsula görə 40 dərəcə isidilmiş otaqda 90 dəqiqə ərzində 26 müxtəlif yoqa hərəkətləri etmək lazımdır. Serenayın fikrincə, Bikram yoqa vasitəsilə həm arıqlamaq, həm də bədəndəki zərərli maddələrdən qurtulmaq mümkündür.

    İflas olmaqdan son andan qurtulan amerikalı müğənni Britni Spirs böyük bir müqaviləyə imza atıb. Belə ki, Las Veqasdakı bir kazino ilə razılaşan Spirs bu qışdan etibarən ildə 48şou ilə məkanda səhnə alacaq. 31 yaşlı ulduz bu çıxışı qarşılığında ildə 15 milyon dollar qazanacaq. Xatırladaq ki, Las Veqasda daha əvvəl belə bir rekorda ildə 70 şouya çıxaraq 476 min dollar qazanan Selin Dion imza atmışdı.

 

Sahilə Aslanova

 

Muz-Tv.az