Aygün Kazımova imicində dəyişiklik edir

Xalq artisti Aygün Kazımova noyabrın 8-də reallaşacaq konsertinə xüsusi hazırlaşır. Sənətçi bir çox yeniliklərini məhz həmin gecə təqdim etməyi planlaşdırır.  

   Xalq artisti Aygün Kazımova noyabrın 8-də reallaşacaq konsertinə xüsusi hazırlaşır. Sənətçi bir çox yeniliklərini məhz həmin gecə təqdim etməyi planlaşdırır.  Belə ki, müğənni sözləri Leyli İsrafilovaya, musiqisi Hakan Erola aid olan “Sən adam olmayacaqsan” mahnısını ilk dəfə həmin gün oxuyacaq. Aygün Kazımova türkiyəli ifaçı Sinan Akçılla birgə verəcəyi konsert üçün xüsusi geyim hazırlayır. Türkiyədə tikilən libas Azərbaycan bayrağını əks etdirəcək. Hazırda İstanbulda olan müğənni imicində dəyişiklik edəcək.

   Ifaçı Miri Yusifin “Vicdan” adlı mahnısına çəkdirdiyi yeni klipi internetdə yayımlanıb. Video çarxın rejissoru Emil Quliyev, operatoru isə Rauf Qurbanəliyevdir. Xatırladaq ki, ekran işinin treyleri yüksək baxış sayı əldə edib. Klipdə ifaçı qoca insanı canlandırıb. Qeyd edək ki, “Vicdan” mahnısının sözləri və musiqisi Miri Yusifin özünə məxsusdur.

   Müğənni Rəhim Rəhimli indiyədək ailə qurmamasının səbəblərindən danışıb. Sənətçi arzuladığı  sevgini tapmamaqdan şikayətlənib: “Bir vaxtlar vətəndaş nikahında yaşadığım xanım var idi. İndi onunla yaşadığım sevgini tapa bilmirəm. Sevənlərimi və sənətimi itirməkdən qorxuram. Mən səhnəni çox sevirəm. Əgər soruşsaydılar ki, səhnə, yoxsa ailə, mən səhnəni seçərdim”.

   “Bakılı oğlanlar” komandasının keçmiş üzvləri yenidən bir araya gəlib. Məclislərin birində görüşən dostlar fotolarını sosial şəbəkədə paylaşıblar. Görüşdə keçmiş komanda yoldaşlarından Tahir və Cabir İmanovlar, Bəhram Bağırzadə, Elçin Əzizov və Murad Dadaşov iştirak edib.

 

Sahilə Aslanova

 

Muz-Tv.az