Demet Akalın hələ doğulmamış qızı üçün sərvət xərcləyib
Demet Akalın və həyat yoldaşı Okan Kurt yanvarda doğulacaq qızları Hiranın yolunu həyəcanla gözləyirlər. Hamilə qala bilmək üçün il yarımdır bütün müalicə üsullarına müraciət...
Demet Akalın və həyat yoldaşı Okan Kurt yanvarda doğulacaq qızları Hiranın yolunu həyəcanla gözləyirlər. Hamilə qala bilmək üçün il yarımdır bütün müalicə üsullarına müraciət edən Demet bu yolda 500 min lirə xərcləyib. O, hətta ümidini itirib övladlığa körpə də götürmək qərarına gəlsə də, Okan Kurt buna icazə verməyib. Hamilə olduğu müddətdə Avropa turnesini təxirə salan Akalın 450 min lirəlik itkisi olduğunu etiraf edib. Müğənni körpənin doğumundan 2 ay sonra səhnəyə qayıdacağını bildirib.
Amerikalı aktrisa Qvinet Peltrou super model Elli Makfersonun milyarder həyat yoldaşı Cef Sofferlə münasibətlərinin olduğuna dair çıxan xəbərlərə etiraz edib. Ulduzun mətbuat xidmətinin yaydığı açıqlamada Peltrou və Sofferin uzun illərdir dost olduqları və aralarında romantik əlaqənin yaşanmadığı qeyd edilir.
Kanadalı müğənni Selin Dion yeni “Somebody loves somebody” mahnısını internetdə yayımlayıb. Trek ulduzun “Loved me back to life” albomuna daxil edilən ikinci sinql olacaq. Ne-Yo və Stivi Uander kimi məşhurlarla duetlərin də yer alacağı musiqi toplusu noyabrın 11-də işıq üzü görəcək.
Dünyaşöhrətli ulduz Rihanna dünya turnesi çərçivəsində Dubaya gedib. İfaçı şəhər gəzintisi zamanı çadra geyinərək yerli məscidlərdən birini ziyarət də edib. Ulduz məsciddə çəkdirdiyi fotoları İnstagramda paylaşsa da bu, onun bəzi heyranları tərəfindən birmənalı şəkildə qəbul edilməyib. Hətta Rihannanı ikiüzlükdə və İslam dininə hörmətsizlikdə günahlandıran fanatları da tapılıb.
“Dila xanım” serialında “Rza” obrazını canlandıran aktyor Erkan Petekkaya ilk dəfə klip çəkilişləri üçün kamera qarşısına keçib. Sənətçi, Sinan Akçılın “Kapı” albomunda yer alan “Dev dalga” mahnısına çəkilən video çarxda rol alıb. Sinan aktyorun bu jestinə qarşılıq ona sosial şəbəkədə ona təşəkkür edib.
Sahilə Aslanova
Muz-Tv.az