“Ulduz Sönməz:  Mən belə yaşadım” adlı kitabın təqdimatı keçirildi - mərasimdən reportaj

Azərbaycan Aşıqlar Birliyi və Azərbaycan Milli Kitabxanası birgə Prezident təqaüdçüsü, Əməkdar Mədəniyyət İşçisi, Azərbaycan Aşıqlar Birliyi İdarə Heyətinin üzvü Ulduz Sönməzin həyat və yaradıcılığına həsr olunmuş “Ulduz Sönməz: Mən belə yaşadım”adlı kitabın təqdimat mərasimini keçirilib.

Muztv.az xəbər verir ki, tədbirdə iştirak edən professor Qəzənfər Paşayev tibb üzrə fəlsəfə doktoru Rəşid Mahmudov,  Əməkdar Mədəniyyət İşçisi Musa Nəbioğlu, kərküklü türkmən şair Fərrux Köprül, aşıq İlham Aslanbəyli, aşıq Şaiq İncəli və digər qonaqlar aşıq Ulduzun Azərbaycan qadın aşıq sənəti tarixində ilklərə imza atdığını deyərək kitabı münasibəti ilə təbrik ediblər.

Tədbirdə aşıq Ulduzun Azərbaycan aşıq sənətinin, aşıq havalarının, klassik aşıqlarımızın yaradıcılığının, dastanlarımızın öyrənilməsi ilə təbliğindəki rolunun yüksək olduğu bildirilərək,  “Aşıq Pəri” məclisinin yaradıcılarından və fəal üzvlərindən biri olduğu qeyd edilib.

Kitabın tərtibçisi Əməkdar Mədəniyyət işçisi, Azərbaycan Aşıqlar Birliyinin katibi Musa Nəbioğlu kitab haqqında ətraflı məlumat verərək, gələcəkdə aşığın yaradıcılığı ilə bağlı yeni kitabların ərsəyə gələcəyini açıqlayıb.

Bununla bağlı süjetə martın 7-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.