“Kraliyyət” ailəsindən qeyri-adi fotosessiya

İngiltərə taxtının kiçik varisi Şahzadə Corc üçün bu həftə təşkil ediləcək xaç suyuna çəkmə mərasimindən əvvəl sənətçi Elison Cekson maraqlı bir çalışmaya imza atıb. 

     İngiltərə taxtının kiçik varisi Şahzadə Corc üçün bu həftə təşkil ediləcək xaç suyuna çəkmə mərasimindən əvvəl sənətçi Elison Cekson maraqlı bir çalışmaya imza atıb. Cekson Kembric şahzadələri Uilyam və Keytin bənzərlərindən istifadə edərək “kamera arxası” təəssüratı bağışlayan əyləncəli bir fotosessiya təşkil edib. Kraliça Elizabetin də oxşarından istifadə etdiyi işdə ən çox bəyənilən isə Keyt ilə Uilyamın körpələri ilə birlikdə vannada zaman keçirdiyi fotolar olub.

     Bir müddət əvvəl şam yeməyi zamanı bir araya gələn Kıvanç Tatlıtuğ ilə “Qalatasaray” futbol klubunun hollandiyalı ulduzu Uesli Şnayder yenidən Nişantaşında görüşüblər. Şnayderin həyat yoldaşı Yolanta Kabaunun Tatlıtuğun yeni serialı “Kurt Seyd”-də rol alacağı iddiaları ilə başlayan dostluqlarını daha da irəlilədən cütlük daha sonra məkanların birində qəhvə içərək söhbət edib.

     Amerikanın Kaliforniya ştatında yaşayan Tobi Şeldon adlı bir gənc bütün mal varlığını estetik əməliyyatlara yatırıb. Buna səbəb Tobinin özünü  Castin Biberə bənzətmək arzusu olub. 33 yaşlı Şeldon 19 yaşlı müğənniyə oxşaya bilmək üçün botoks etdirib, çənəsi və göz qapaqlarından əməliyyat olub və saç əkdirib. Atdığı bu addımı haqqında danışan Şeldon: “Castin məşhur olanda üzü hər yerdə idi. Şəklini görəndə tək fikirləşdiyim ona bənzəmək idi. Mahnılarını dinləmirəm, amma üzü o qədər qüsursuzdur ki, bütün dəyişiklikləri ondan ilham alaraq etdirdim” –deyə bildirib. Qeyd edək ki, mahnı sözləri yazaraq pul qazanan Şeldon Biberə bənzəyə bilmək üçün 100 min dollar xərcləyib.

    Türkiyəli məşhur model Ebru Şallı müğənni  Sinan Akçılla eşq yaşadıqlarını “Sinanın açıqlamaları münasibətlərimizi daha da sürətləndirdi” deyərək etiraf edib. Xatırladaq ki, keçmiş həyat yoldaşı Harun Tanla 11 illik evliliyini iyul ayında sonlandıran Ebru Şallının Sinanla əlaqəsinin olduğu iddia edilirdi. Şayiələrin yayıldığı dövrdə heç bir açıqlama verməyən tərəflərdən Sinan Akçıl daha sonra sükunətini pozaraq: “Onu tanıdığıma görə çox xoşbəxtəm. Ebru bu günə qədər gördüyüm qadınlar arasında ən hörmətəlayiqi və müqəddəsidir. Insanlar bir az imkan versə bir-birimizi tanımağa çalışacağıq” - demişdi. Müğənninin bu açıqlaması cütlüyün münasibətlərində özünü müsbət şəkildə göstərib. Belə ki, Ebru Şallı: “Sinanın 10 gün əvvəl mənim üçün dediyi sözlər çox xoşuma gəldi. Aramızdakı münasibətləri sürətləndirən də məhz həmin açıqlama oldu” –deyib. Bir müddət əvvəl dostlarının evində tanış olduqlarını bildirən Ebru eyni mənzildə yaşadıqları iddiasına da: “Xeyr, eyni evdə yaşamırıq. Bayram tətilində də heç yerə getmədik. İkimiz də İstanbulda idik” –deyərək aydınlıq gətirib.

 

Sahilə Aslanova

 

Muz-Tv.az