Rəqsanə: “Məni tam başqa cür görəcəksiniz”

Müğənni Günay İbrahimli özü haqqında işlədilən "toy müğənnisi" ifadəsinə bərk əsəbiləşib. Axşam.az-ın məlumatına görə, sənətçi el şənliklərinə maddiyyat üçün getdiyini bildirib...

   Müğənni Günay İbrahimli özü haqqında işlədilən "toy müğənnisi" ifadəsinə bərk əsəbiləşib. Axşam.az-ın məlumatına görə, sənətçi el şənliklərinə maddiyyat üçün getdiyini bildirib: “Toy müğənnisi deyiləm, el şənliklərinə qazanc üçün gedirəm. Azərbaycanda müğənni ancaq toylardan pul qazana bilir. Gəlirimi yalnız sənətimə xərcləyirəm. Yeni albom hazırlayıram. Türkiyədə işıq üzü görəcək. Onun xərcləri, avtomobilimin krediti var. Bütün bunları ödəmək üçün toya gedirəm”.

   Müğənni Rəqsanə İsmayılova imicində dəyişiklik edəcək. Bu haqda açıqlamasında müğənni özü deyib. O, yeni klipində və fotosessiyasında imicini tamamilə dəyişdiyini bildirib. Bu yeniliyi Rəqsanə klipin təqdimat mərasimində nümayiş etdirməyi planlaşdırır. O, tamaşaçılar qarşısına tam fərqli formada çıxacaq: “Hər kəsi təəccübləndirəcəm. Tam fərqli bir Rəqsanə görəcəksiniz. Türkiyədəki layihələrimdə imicimdə çox dəyişikliklər edilib”.

   Son vaxtlar çox kökəldiyindən şikayət edən sənətçi özünü heç bəyənmədiyini etiraf edib: 
“7 kiloqram kökəlmişəm. Buna görə də ciddi idman edirəm. Təqdimata qədər arıqlayıb, 50 kiloqram olmalıyam. Artıq çəki məni çox narahat edir, yaraşmır. Efirdə özümü görəndə heç bəyənmirəm”.

   Müğənni Kərim İnstaqramda həyat yoldaşı Təranə ilə fotosunu paylaşıb.Xanımıyla gecə gəzintisinə çıxan sənətçi xoşbəxtliyini belə ifadə edib:  “Ailəmlə gecə gəzintisində. Belə gözəl ailədən bütün subaylara qismət olsun. Amin”.

 

Fuad Oqtayoğlu

 

Muz–Tv.az