Fəxriyyə Evcən heyranlarını məyus etdi

Özcan Dənizlə Fəxriyyə Evcənin rol aldığı “Evim sənsən” filmi 22-ci Manhaym Türk Filmləri Festivalında yenidən nümayiş edilib. 

   Özcan Dənizlə Fəxriyyə Evcənin rol aldığı “Evim sənsən” filmi 22-ci Manhaym Türk Filmləri Festivalında yenidən nümayiş edilib. Özcan festivalın təşkilatçılarının dəvətini qırmayıb Türkiyədən mərasimə qatılıb.  Evcən isə eyni tarixdə Düseldorfda olmasına baxmayaraq, keçmiş sevgilisi ilə yan-yana gəlməmək üçün festivala qatılmayaraq hər kəsi məyus edib. Xatırladaq ki, 2012-ci ildə nümayiş edilən və 2 milyon 700 min insan tərəfindən izlənilən “Evim sənsən” filmində rol alan cütlük eyni dövrdə sevgi münasibətləri ilə də gündəmə gəlmişdi.

   Aktrisa Mişel Uilyams və qızı Matilda Ledcer Bruklində görülüb. Mərhum ulduz Hitt Ledcerdən olan 7 yaşlı qızını dayə olmadan təkbaşına böyüdən Mişel “Dahi Oz” filmindəki rolunu da övladının israrı nəticəsində qəbul etdiyini açıqlamışdı. Uilyams işlədiyi müddətdə Matildanın hər gün məktəbdən çıxdıqdan sonra çəkiliş meydançasına gəldiyini söyləyib. Buna baxmayaraq, Mişel qızının aktrisa olmasını istəmədiyini də vurğulayıb.

   Səhnədən getdiyini açıqladıqdan bir müddət sonra konsertlərlə heyranlarının qarşısına çıxamağa başlayan müğənni Teoman “Haziran” adını verdiyi yeni mahnısını yayımlayıb. Söz və musiqisi rokçunun özünə məxsus olan kompozisiyanı Ozan Çolakoğlu aranjiman edib. Ulduzun heyranları yeni mahnını çox bəyəndiklərini qeyd ediblər.

   Hollivudun ən məşhur aktyorlarından olan Ouven Uilson ata olmağa hazırlaşır. Onun gələcək körpəsinin anası ulduzun idman məşqçisi Karolin Linqvistdir.  2007-ci ildən bəri birlikdə idman etdiyi Linqvistlə bir müddət əvvəl sevgi münasibətləri yaşamağa başlayan Uilson ikinci dəfə övlad sahibi olacaq. Belə ki, aktyor ilk dəfə 2011-ci ildə doğulan oğlu Robertlə atalıq sevinci yaşayıb.

 

Sahilə Aslanova

 

Muz-Tv.az