Xalq artisti Hacağa Abbasovun xatirə gecəsi keçirildi

Akademik Milli Dram Teatrında görkəmli teatr xadimi, milli aktyor məktəbinin nümayəndəsi, xalq artisti Hacağa Abbasovun anadan olmasının 125 illik yubileyinə həsr edilmiş...

   Akademik Milli Dram Teatrında görkəmli teatr xadimi, milli aktyor məktəbinin nümayəndəsi, xalq artisti Hacağa Abbasovun anadan olmasının 125 illik yubileyinə həsr edilmiş xatirə gecəsi keçirilib. Bir çox ziyalıların və incəsənət xadimlərinin iştirak etdiyi tədbirə xalq artistinin doğmaları da qatılıb. Xatirə gecəsində ilk olaraq Hacağa Abbasova həsr olunmuş video çarx nümayiş olunub. Daha sonra səhnədə yer alan aparıcılar xalq artistinin həyat və yaradıcılığını qısa olaraq xatırladıblar. Aktyorun yaradıcılığına dərindən bələd olan teatr xadimləri də öz xatirələrini bölüşüblər.

   Sonda onu da bildirək ki, xalq artisti repressiya illərində təqib olunduğuna görə bir müddət Orta Asiya respublikalarında yaşayıb və 1975-ci ildə Bakıda vəfat edib.

 

Sərvər Mehdiyev

Bəxtiyar Nəsirov

 

Muz-Tv.az