Corc Kluni “Wikileaks”-in qurucusunun vəkilinə vuruldu

Müxtəlif model və aktrisalarla eşq münasibəti yaşayan xroniki subay Corc Kluni indi də özünə vəkil sevgili tapıb. 

    Müxtəlif model və aktrisalarla eşq münasibəti yaşayan xroniki subay Corc Kluni indi də özünə vəkil sevgili tapıb. Ulduz “Wikileaks”-in qurucusu Culian Assancın vəkili Amal Alamuddin ilə birlikdədir. London restoranlarının birində 4 saat yemək yeyən cütlük daha sonra taksiyə minərək oradan uzaqlaşıb.

   Cem Yılmaz Rassel Krounun Türkiyədə ekranlaşdıracağı “The Water Diviner” filminin məşqləri üçün Avstraliyaya gedib. Öz filminin hazırlıqları ilə məşğul olan və Hollivud ulduzundan möhlət istəyən Yılmaz bütün işlərini yoluna qoyduqdan sonra rolu ifa etməyə razılaşıb.

    Əvvəllər yaxın rəfiqə olan Naomi Kempbell və Viktoriya Bekhem dalaşıblar. Mübahisəyə səbəb xanım Bekhemin yeni moda defiləsində qara dərili modellərə az yer verməsi olub.  Bunu ayrıseçkilik hesab edən Naomi Viktoriyanı bu hərəkətinə görə şiddətlə qınayıb. Keçmiş rəfiqəsinin bu iddiaları qarşısında Viktoriya sadəcə susmaqla kifayətlənib.

     Hollivud aktrisası Uma Turman Manhettendə ev alıb. Ulduz 13 otaqlı yeni mənzilinə 10 milyon dollar ödəyib. Qeyd edək ki, Turman evi əldə edə bilmək üçün şəhərin kooperativ şurasından xüsusi icazə almalı olub.

 

Sahilə Aslanova

 

Muz-Tv.az