1-ci Youtube Mükafatları qaliblərinə təqdim edildi

Noyabrın 3-də Nyu Yorkda Youtube videohostinqinin ilk mükafatlandırma mərasimi baş tutub. Qaliblər saytda il ərzində ən çox izlənmə sayı toplayan...

   Noyabrın 3-də Nyu Yorkda Youtube videohostinqinin ilk mükafatlandırma mərasimi baş tutub. Qaliblər saytda il ərzində ən çox izlənmə sayı toplayan video çarxlar arasından seçilib. “İlin ən yaxşı ifaçısı” nominasiyasında repçi Eminem qalib olub. “Ən yaxşı video” kateqoriyasında cənubi koreyalı “Girls' Generation” qrupu Ledi Qaqa, Castin Biber və Mayli Sayrus kimi ulduzları geridə qoyaraq mükafata layiq görülüb. Teylor Sviftin “I Knew You Were Trouble” mahnısı “Youtube fenomeni” elan edilib. Mərasimdə Rihanna, Eminem və digər məşhurlar iştirak edib. Tamaşaçılar tədbiri Youtube saytından canlı izləyiblər.

   Hülya Avşar və Sibel Canın eyni məkanda yemək yemələrinə baxmayaraq salamlaşmamaları hər kəsi təəccübləndirib. Belə ki, məkana daxil olan Avşar jurnalistlərin “Sibel xanım burdadır” sözlərindən sonra “Köhnə dostumdur. Çox bəyənirəm onu” deyərək masasına keçib. Yuxarı mərtəbədə  əyləşən Sibel Can da eyni reaksiyanı versə də, cütlüyün bir-birləri ilə salamlaşmaması şübhələrin yaranmasına səbəb olub.

   “One direction” qrupunun irlandiyali üzvü Nayll Horan İnstagram və Twitter-də müğənni Keti Perri ilə evlənməyə hazırlaşdığını elan edib. Horan sosial mediada ulduzla çəkilən səmimi fotosunu paylaşaraq: “ “Bəli” - dedi.  Deyəsən, alınır” –yazıb. Amma qısa müddət sonra bunun sadəcə bir zarafat olduğu ortaya çıxıb.

   Amerikalı aktrisa Lindsi Lohan Konnektikut ştatındakı bir qumarxanada Hallouin bayramı partisi təşkil edib. Bu iş üçün 50 min dollar alan Lohan tədbirə gecikdiyinə görə məkanın sahibi pulu geri tələb edib. Parti üçün saat 22-də orada olması gərəkən ulduzun 23:45-də gəldiyi bildirilir.

 

Sahilə Aslanova

 

Muz-Tv.az