Ledi Qaqa sevgilisindən ayrıldı

Ledi Qaqa və Teylor Kinninin 2 illik münasibətləri bitib.  Artıq evlilik haqqında fikirləşən və tezliklə nikah masasına əyləşməyə hazırlaşan cütlük qəfil qərarla ayrılıb.  

   Ledi Qaqa və Teylor Kinninin 2 illik münasibətləri bitib.  Artıq evlilik haqqında fikirləşən və tezliklə nikah masasına əyləşməyə hazırlaşan cütlük qəfil qərarla ayrılıb.  “Vampirin gündəliyi” serialının ulduzu Teylor pop ulduzun ona çox az zaman ayırdığını və məhz buna görə münasibətlərinə son qoyduğunu deyib. Aktyor artıq müğənninin hər həftə dəyişən obrazları arasında çaşıb qaldığını və yalnız əsl, mehriban, istiqanlı Stefanini sevdiyini deyib. Teylor Ledi Qaqa ilə son dəfə 2013-cü il avqustunda görüşdüklərini bildirib.

   Məşhur müğənni Adel 1 yaşındakı oğlu Ancelo ilə London küçələrində gəzərkən görülüb. Makiyajsız ifaçını tanımaq asan olmayıb. Qara şalvar geyinən Adel geniş koftası və makiyajsız üzü ilə görənləri heyrətə gətirib. Xatırladaq ki, “Someone Like You” mahnısı ilə dünya səviyyəsində şöhrət qazanan və “Qremmi” mükafatına layiq görülən ulduz keçən il nişanlısı Saymon Konetski ilə ailə həyatı qurub. Buna görə yaradıcılığında fasilə verən Adel uzun müddət kameralardan uzaq yaşayıb.

    Popun kraliçası Madonna Beverli Hillsdəki evini satıb.  Ulduz 22,5 milyon dollara satışa çıxardığı mənzili 19,5 milyona sata bilib. Xatırladaq ki, məşhur müğənni içi ən son dəbə uyğun dizayn edilən evi 2003-cü ildə 12 milyon dollar alıb. Rejissor Qay Riççi ilə evli olduğu müddətdə yaşadığı mənzilin 9 yataq, 2 yemək otağı mövcuddur.

     Daha bir Hollivud cütlüyü dağılıb. 39 yaşlı cazibədar aktrisa Eva Mendes 32 yaşlı sevgilisi Rayan Qoslinqdən qısqanclıq səbəbi ilə ayrılıb. Cütlüyün yaxınları Evanın son zamanlar Rayanın hər addımını izlədiyini, telefon ismarıclarını yoxladığını bildirib. Ulduz aktrisanın son zamanlar sevgilisi ilə bağlı heç bir söz eşitmək istəmədiyi də qeyd edilir.

 

Sahilə Aslanova

 

Muz-Tv.az