Ani Lorak bakılı heyranlarına video müraciət ünvanladı

Artıq xəbər verdiyimiz kimi ukraynalı müğənni Ani Lorak noyabrın 23-də Heydər Əliyev Sarayında konsert verməyə hazırlaşır. 

   Artıq xəbər verdiyimiz kimi ukraynalı müğənni Ani Lorak noyabrın 23-də Heydər Əliyev Sarayında konsert verməyə hazırlaşır. Ulduz bakılı heyranlarına videomüraciət də ünvanlayıb.  Hər kəsi konsertinə dəvət edən Ani Lorak onlara mükəmməl gecə yaşadacağına söz verib. Xatırladaq ki, ukraynalı müğənni bundan əvvəl 2012-ci ildə “Avroviziya” mahnı müsabiqəsinin seçim turlarının qala konsertində iştirak etmək üçün Azərbaycana gəlmişdi.

   Əməkdar artist Eyyub Yaqubov meyxanaçı Namiq Qaraçuxurlunu qınayıb. Axşam.az-ın verdiyi məlumata görə, sənətçinin “Ajda Pekkanla görüşmək mənə də təklif olundu, amma qəbul etmədim. Bizim xalq artistlərimiz xaricdən müğənni gələn kimi qarşısına qaçırlar” sözlərinə Yaqubovdan cavab gəlib. O, açıqlamasında həmkarlarını müdafiəyə keçib: “Hansı ölkənin sənətkarı olmasına baxmayaraq, bütün yaradıcı insanlar dost olurlar, bir-birlərini sevirlər. Çünki onların amalı, əqidələri birdir, xalqa xidmət edirlər. Sənətkar həmkarını sevdiyi üçün qarşısına qaçır, burada pis heç nə yoxdur. Əsl sənətkarlar mehriban olmalıdırlar. Ajda Pekkanın Brilliant Dadaşova ilə şəkil çəkdirməməsinə gəldikdə isə o qəsdən edilməmişdi. Orada nəsə başqa bir hadisə olub. Çünki inanmıram ki, Ajda xanım onunla şəkil çəkdirmək istəməsin”.
   Ajda Pekkanla oxumağı planlaşdırdığı duetdən söz açan Eyyub Yaqubov bunu yaxın günlərdə reallaşdıracağını deyib: “Bəzi səbəblərdən duetimiz alınmadı, indi də uzanır. Amma bu, mütləq olacaq”.

   Sosial şəbəkələrdən birində xalq artisti Aygün Kazımovanın yeni görünüşdə olan fotoları yayılıb. Bütünlükdə dəyişən müğənni hələ ki, mediadan gizlənir.Saç rəngini daha da tündləşdirən, dodaqlarını balacalaşdıran Kazımova el şənliklərindən birinə qatılıb. Hər zaman cəsarətli geyimlər geyinən və diqqət mərkəzində olmağı bacaran xalq artisti bu libası ilə də maraq doğurub. Yeni imicdə ilk dəfə konsertində sevənlərinin qarşısına çıxacağını söyləyən müğənni bunun üçün ciddi hazırlaşır. Qeyd edək ki, Aygün Kazımovanın türkiyəli ifaçı Sinan Akçılla konserti noyabrın 8-də paytaxt restoranlarından birində baş tutacaq.

   Sənətçi Samir Piriyev ailəsi ilə birgə Türkiyəyə səfər edib. SİA-nın verdiyi xəbərə görə, ifaçı şəxsi avtomobili ilə qardaş ölkəyə getmək üçün yolunu Gürcüstandan salıb. O, hətta olduğu yerlərin şəkillərini də çəkərək sosial mediada paylaşıb.

 

Sahilə Aslanova

 

Muz-Tv.az